વડોદરામાં PSIની ઇનામદારીઃ રસ્તા વચ્ચેથી મળી રૂ.1.16 લાખ ભરેલી બેગ, વેપારીને કરી પરત

0
1
news/MGUJ-VAD-HMU-LCL-one-lakh-and-16-thousand-rupees-found-in-the-road-in-vadodara-gujarati-news-5978720-PHO.html?ref=ht&seq=2
news/MGUJ-VAD-HMU-LCL-one-lakh-and-16-thousand-rupees-found-in-the-road-in-vadodara-gujarati-news-5978720-PHO.html?ref=ht&seq=2

ભ્રષ્ટાચારથી ખદબદતા પોલીસ તંત્રમાં હજુ પણ ઇમાનદાર પોલીસ જવાનો ફરજ બજાવે છે. આવા જ એક પોલીસ અધિકારીની ઇનામદારીનો કિસ્સો પ્રકાશમાં આવ્યો છે. નવાપુરા પોલીસ મથકના પીએસઆઇને રસ્તા ઉપરથી રૂપિયા 1.16 લાખ ભરેલી મળી આવેલી બેગ તેના મૂળ માલિકને પહોંચી કરી છે. રાત-દિવસ મહેનત કરીને કમાયેલા રૂપિયા પોલીસ મથકમાંથી પરત મળતા વેપારી ગદગદીત થયો હતો.

PSIને રસ્તા વચ્ચેની મળી 1 લાખ 16 હજાર રૂપિયા ભરેલી બેગ, વેપારીને કરી પરત

પ્રાપ્ત વિગત મુજબ અબ્દુલ કાદર મહમ્મદભાઇ કાલાવડીયા સેક્ટર-4-એ, પ્લોટ નંબર 244-2 ગાંધીનગર ખાતે રહે છે. અને વિવિધ શહેરોમાં હેન્ડલૂમ એક્ઝિબીશનનું આયોજન કરીને ગુજરાન ચલાવે છે. તેઓ રવિવારે વડોદરા આવ્યા હતા. અને ઉઘરાણીના રૂપિયા 1,16,560 કારની ડિકીમાં મૂકીને સાંજના સમયે ગાંધીનગર પરત જઇ રહ્યા હતા. દરમિયાન, અબ્દુલ કાદરભાઇ કાલાવડીયાની રોકડ રકમ મૂકેલી બેગ તેઓની કારની ખુલ્લી રહી ગયેલી ડીકીમાંથી નવાપુરા પોલીસ મથકની હદમાં કોઇ જગ્યાએ પડી ગઇ હતી. મોડી સાંજે નવાપુરા પોલીસ મથકના પી.એસ.આઇ. એ.આર.મહિડા, હે.કો. નરસિંહભાઇ ગોરધનભાઇ નવાપુરા- 1 મોબાઇલમાં પેટ્રોલિંગમાં નીકળ્યા હતા. તે સમયે તેઓને આર.વી. દેસાઇ રોડ ઉપર સુમંગલ એપાર્ટમેન્ટ પાસે રસ્તા ઉપર કાળા કલરની બેગ પડેલી મળી આવી હતી.

પીએસઆઇ તુરંત જ બેગ લઇને પોલીસ મથકમાં આવ્યા હતા. અને પોલીસ મથકમાં આવ્યા બાદ બેગમાં તપાસ કરતા તેઓને તેમાંથી રોકડ રૂપિયા 1,16,560 તેમજ પાનકાર્ડ, આર.સી. બુક વગેરે દસ્તાવેજો મળી આવ્યા હતા. પીએસઆઇએ તુરંત જ આ અંગેની જાણ પી.આઇ. ડી.કે. રાવને કરતા તેઓ પણ પોલીસ મથકમાં આવી પહોંચ્યા હતા.

news/MGUJ-VAD-HMU-LCL-one-lakh-and-16-thousand-rupees-found-in-the-road-in-vadodara-gujarati-news-5978720-PHO.html?ref=ht&seq=2
news/MGUJ-VAD-HMU-LCL-one-lakh-and-16-thousand-rupees-found-in-the-road-in-vadodara-gujarati-news-5978720-PHO.html?ref=ht&seq=2

LEAVE A REPLY

Please enter your comment!
Please enter your name here