ત્રણ નવી વંદે ભારત એક્સપ્રેસ ટ્રેનની ભેટ મળ્યા બાદ ભારતીય રેલવે તરફથી ટૂંક સમયમાં વધુ એક સારા સમાચાર આવશે. કેન્દ્રીય રેલવે મંત્રી અશ્વિની વૈષ્ણવે રવિવારે (પહેલી સપ્ટેમ્બર) બેંગલુરુમાં BEMLની ફેક્ટરીની મુલાકાત લીધી હતી. અહીં તેમણે વંદે ભારત એક્સપ્રેસના સ્લીપર કોચના કોપી વર્ઝનનું અનાવરણ કર્યું. તેમણે જણાવ્યું કે, ‘વંદે ભારત એક્સપ્રેસના સ્લીપર કોચનું સંચાલન કરતા પહેલા તેનું 10 દિવસ સુધી પરીક્ષણ કરવામાં આવશે. આગામી ત્રણ મહિનામાં આ ટ્રેનનું સંચાલન શરૂ થવાની સંભાવના છે.’ કેન્દ્રીય રેલવે મંત્રી અશ્વિની વૈષ્ણવે જણાવ્યું હતું કે, ‘વંદે સ્લીપર કોચનું નિર્માણ પૂર્ણ થઈ ગયું છે. આ એક સંપૂર્ણ સ્લીપર વર્ઝન છે. આ કોચમાં ઘણી બાબતોને ધ્યાનમાં રાખવામાં આવી છે. વંદે ચેર કાર, વંદે સ્લીપર, વંદે મેટ્રો અને અમૃત ભારતને આધુનિકતા જેવી ઘણી બાબતોને ધ્યાનમાં રાખીને ડિઝાઇન કરવામાં આવી છે.’રેલવે મંત્રીએ જણાવ્યું હતું કે, ‘વંદે ભારત સ્લીપર ટ્રેન 160 કિ.મી. પ્રતિ કલાકની ઝડપે દોડશે, જે 180 કિ.મી. પ્રતિ કલાકની ટોપ સ્પીડ સુધી જઈ શકે છે. આ ટ્રેનમાં કુલ 16 કોચ હશે, જેમાંથી 11 3AC, 4 2AC અને 1 ફર્સ્ટ ક્લાસ કોચ હશે.’વધુમાં રેલવે મંત્રી અશ્વિની વૈષ્ણવે જણાવ્યું હતું કે,’નવી ટ્રેન ડિઝાઇન કરવી એ એક જટિલ કાર્ય હતું. વંદે સ્લીપરમાં ઘણી નવી સુવિધાઓ આપવામાં આવી છે. આ પ્રોજેક્ટ્સ વડાપ્રધાન નરેન્દ્ર મોદીના નેતૃત્વમાં મહત્વાકાંક્ષી ભારતને દર્શાવે છે.’નોંધનીય છે કે, વડાપ્રધાન નરેન્દ્ર મોદીએ શનિવારે મેરઠથી લખનઉ, મદુરાઈથી બેંગલુરુ અને ચેન્નાઈથી નાગરકોઈલને જોડતી 3 નવી વંદે ભારત ટ્રેનોને લીલી ઝંડી બતાવી હતી.
First visuals of the Vande Bharat sleeper coach
— DD News (@DDNewslive) September 1, 2024
Railway Minister @AshwiniVaishnaw unveils prototype version of Vande Bharat sleeper coach#VandeBharatSleeperCoach @RailMinIndia https://t.co/4IBOOk8tp1 pic.twitter.com/uNMoPWYLGg