જાણોદિવસે ને દિવસે મહિલાઓ વિરુદ્ધ થતા અત્યાચારો અને અપરાધમાં સતત વધારો થઈ રહ્યો છે. માત્ર ભારત જ નહીં પણ વિશ્વભરમાં ક્યાંય મહિલાઓ સુરક્ષિત નથી. રેપ, હત્યા, બળજબરીપૂર્વક લગ્ન, માનવ તસ્કરી વગેરે જેવી ઘટનાઓનો મહિલાઓ શિકાર બની રહી છે. સ્વીડનની એક સંસ્થા પોતાના દેશની મહિલાઓને અલગ જ પ્રકારની સલાહ આપી રહી છે. જેની પાછળનું કારણ જાણીને તમે પણ દંગ રહી જશો.સ્વીડનના શહેર ગોથેનબર્ગમાં છોકરીઓને સલાહ આપવામાં આવી રહી છે કે પોતાના અંડરગાર્મેન્ટ્સમાં ચમચી છૂપાવીને રાખવી. સ્વીડનમાં મહિલાઓ માટે કામ કરતી સંસ્થાએ છોકરીઓની સુરક્ષા માટે આ ઉપાય શોધી કાઢ્યો છે, જેનો હેતુ દેશની બહાર છોકરીઓની તસ્કરી કરતા લોકોને પકડાવી છોકરીઓને બચાવવાનો છે.સ્વીડનમાં એવા કેટલાય કેસ સામે આવ્યા છે જ્યાં છોકરીઓનાં જબરદસ્તી લગ્ન કરાવી તેને દેશની બહાર લઈ જવામાં આવી હોય. એવામાં છોકરીઓને સલાહ આપવામાં આવી કે તેઓ પોતાના અંડરગાર્મેન્ટ્સમાં ચમચી છૂપાવીને રાખે જેથી કરીને તેઓ એરપોર્ટ પર જ પકડાય જાય અને બચી શકે.
