ચોમાસાની સિઝનમાં ફ્લોઇંગ મટિરિયલ પહેરવાની એક જુદી જ મજા છે શરીર પર ચોંટી જાય તેવા વસ્ત્રો કરતાં શરીર સાથે હોવા છતાં હવામાં ઝૂલતા રહેતા વસ્ત્રો ગરમીમાં અકળામણને ઓછી કરે છે. હવે તો ચોમાસાએ પણ ગુજરાતભરમાં જમાવટ કરી છે ત્યારે આગામી તહેવારોની સિઝનને ધ્યાનમાં રાખતા તમે સાડી, ડ્રેસીસ, દુપટ્ટામાં રફલ કે ફ્રીલની પસંદગી કરી શકો છો. ખાસ કરીને સાર્ટિન અને જ્ઓર્જેટ તથા શિફોન મટિરિયલ ફ્લોઇંગ હોવાથી તે બફરામાં તેમજ મોન્સૂનમાં પહેરી શકો છો આ મટિરિયલમાંથી તમારા આઉટફિટ્સ પર ફ્રીલ બનાવડાવશો અથવા તો તૈયાર પોશાકમાં પણ ફ્રીલ હોય તેવા પોશાકનું સિલેકશન કરશો તે આ સિઝન માટે એકદમ કૂલ પસંદગી બની રહેશે.
જે લોકો ડેઇલી સોપના એટલે કે સિરિયલોના શોખીન છે તેઓને તો ખબર જ હશે કે આજકાલ સિરિયલમાં ઝૂલ અને રફલવાળી સાડીઓ,સ્કર્ટ, તેમજ વનપીસ પહેરેલી એકટ્રેસીસની ભરમાર જોવા મળી રહી છે. અને સ્વાભાવિક છે કે ફેશન ટીવી અને બોલિવૂડ પરથી જ પ્રેરિત હોય છે ત્યારે બજારમાં આ પ્રકારના વસ્ત્રોમાં અઢળક વૈવિધ્ય ઉપલબ્ધ છે.
લ એટલે કે ઝૂલ કહો કે રફલ.તે બ્લાઉઝથી માંડીને ફ્રોક, મેકસી, શર્ટ, સ્કર્ટ, અનારકલી, ક્રોપ ટોપ -જેવા તમામ આઉટફિટ્સમાં બનાવડાવી શકાય છે અથવા તો તે પ્રકારના આઉટફિટ્સ ખરીદી શકાય છે ફ્રીલની સૌથી મોટી ખાસિયત એ છે કે, જ્યારે પણ તમે ફ્રીલવાળા પોશાક પહેરો છો તો તમારીવય હોય છે તેન કરતાં ઘણી નાની દેખાય છે. તમે નોંધ્યું હશે કે નાના બાળકીઓના પોશાકમાં મોટા ભાગે મોટી નાની ઝૂલ લાગેલી હોય છે. જે તેમને ક્યૂટ લુક લાગે છે આ જ કન્સેપ્ટ વ્યસ્કો માટે પણ એપ્લાય કરવામાં આવે છે. જેમાં ગાઉન, ડ્રેસ, કે મેકસીમાં ગળા કે બોટમના ભાગે ફ્રીલની ડિઝાઇન કરવામાં આવે છે. તમે બંગાળી સ્ટાઇલન બ્લાઉઝમાં ગળાના ભાગે નાની નાની ઝૂલ જોઈ હશે. તમારા દાદી કે નાનીના જૂના ફોટા જોશો તો એમાં પણ બાંયમાં તથા ગળાના ભાગે આ પ્રકારની ફ્રિલ કરેલી જોવા મળશે.
લિવિઝન જગતની જાણીતી અંગૂરી ભાભી-ભાબીજી ઘર પે હૈમાં તમે અંગૂરીની સાડીઓ જોઈ હશે તેમાં ઘણી વાર પાલવના ભાગે ઘણી બધી ઝૂલ મૂકવામાં આવી હોય છે આ ગેટઅપતેના નટખટપણા સાથે ખૂબ જામે છે. તો યે રિશ્તા કયા કહેલાતામાં હૈમાં નાયરા સહિતની વુમન સ્ટારકાસ્ટના ડ્રેસીસ, તેમજ હાલમાં આવતા વિષકન્યા, નજર, મેં ભી અર્ધાંગિની જેવા ઘણા શોમાં લેડી સ્ટારકાસ્ટના કોશ્યૂમમાં આ પ્રકારની ફેશન એપ્લાઈ કરવામાં આવી છે.