ડૉ. અગ્રવાલ્સ હેલ્થ કેર લિમિટેડ, આંખની સંભાળ સેવા ઉદ્યોગમાં એક વિશ્વસનીય બ્રાન્ડ અને CRISIL MI&A રિપોર્ટ અનુસાર, નાણાકીય વર્ષ 2024 માટે કામગીરીમાંથી આવકની દ્રષ્ટિએ ભારતની સૌથી મોટી આંખની સંભાળ સેવા શૃંખલા ધરાવનાર કંપનીએ રૂ. 1/- પ્રતિ મૂળ કિંમતના ઇક્વિટી શૅર માટે શૅર દીઠ રૂ. 382/- થી રૂ. 402/- ની કિંમત બેન્ડ નક્કી કરી છે.કંપનીની પ્રારંભિક જાહેર ઓફર (“IPO” અથવા “ઓફર”) બુધવાર, 29 જાન્યુઆરી, 2025 ના રોજ સબ્સ્ક્રિપ્શન માટે ખૂલશે અને શુક્રવાર, 31 જાન્યુઆરી, 2025ના રોજ બંધ થશે. રોકાણકારો ઓછામાં ઓછા 35 ઇક્વિટી શૅર માટે અને ત્યારબાદ 35 ઇક્વિટી શૅરના ગુણાંકમાં બિડ કરી શકે છે. આ ઇશ્યૂમાં કર્મચારી અનામત ભાગ 1,579,399 ઇક્વિટી શૅર સુધીનો અને શૅરધારકો માટે 1,129,574 ઇક્વિટી શૅર સુધીનો છે.આ IPO રૂ. 300 કરોડ સુધીના નવા ઇશ્યૂ અને પ્રમોટર્સ, રોકાણકારો અને અન્ય વેચાણ શેરધારકો દ્વારા 67,842,284 ઇક્વિટી શેર સુધીના ઓફરફોર સેલનું મિશ્રણ છે. તેના નવા ઇશ્યૂમાંથી રૂ. 195 કરોડ સુધીની રકમનો ઉપયોગ તેના ચોક્કસ ઉધારના આંશિક અથવા સંપૂર્ણ ચુકવણી/પૂર્વચુકવણી માટે કરવામાં આવશે અને બાકીની રકમનો ઉપયોગ સામાન્ય કોર્પોરેટ હેતુઓ અને અજાણ્યા અકાર્બનિક સંપાદન માટે કરવામાં આવશે.ડૉ. અગ્રવાલ્સ હેલ્થ કેર, આંખની સંભાળ માટે એન્ડ-ટુ-એન્ડ વ્યાપક સેવાઓ પૂરી પાડે છે, જેમાં મોતિયા, રીફ્રેક્ટિવ અને અન્ય સર્જરીઓ, પરામર્શ, નિદાન અને નોન-સર્જિકલ સારવારનો સમાવેશ થાય છે. ૩૦ સપ્ટેમ્બર, ૨૦૨૪ સુધીમાં તેના ૨૦૯ સુવિધાઓના નેટવર્ક દ્વારા ઓપ્ટિક્સ, કોન્ટેક્ટ લેન્સ અને એસેસરીઝ અને આંખની સંભાળ સંબંધિત ફાર્માસ્યુટિકલ ઉત્પાદનોનું વેચાણ કરે છે. તેના રેડ હેરિંગ પ્રોસ્પેક્ટસમાં ટાંકવામાં આવેલા CRISIL MI&A રિપોર્ટ અનુસાર, કંપની નાણાકીય વર્ષ ૨૦૨૪ સુધીમાં ભારતમાં કુલ આંખની સંભાળ સેવા શૃંખલા બજારનો લગભગ ૨૫% હિસ્સો ધરાવતી હતી.
૩૦ સપ્ટેમ્બર, ૨૦૨૪ સુધીમાં, કંપની ભારતમાં ૧૪ રાજ્યો અને ચાર કેન્દ્રશાસિત પ્રદેશોમાં ફેલાયેલા ૧૧૭ મેટ્રો અને નોન-મેટ્રો શહેરોમાં ૧૯૩ સુવિધાઓ ચલાવે છે, તેમજ આફ્રિકાના નવ દેશોમાં ફેલાયેલી ૧૬ સુવિધાઓ ચલાવે છે. કંપની હબ-એન્ડ-સ્પોક અને એસેટ લાઇટ ઓપરેટિંગ મોડેલ દ્વારા કાર્ય કરે છે. CRISIL MI&A રિપોર્ટ મુજબ, કંપનીની વૈવિધ્યસભર હાજરી છે, જેમાં ૭૦ સુવિધાઓ ટાયર-૧ શહેરોમાં અને ૧૨૩ સુવિધાઓ ભારતના અન્ય શહેરોમાં સ્થિત છે.ડૉ.અગ્રવાલ્સ હેલ્થ કેર, તેના ચેરમેન ડો. અમર અગ્રવાલના નેજા હેઠળ, જેમને આંખની સાર સંભાળ સેવાઓ ઉદ્યોગમાં 35 વર્ષથી વધુનો ક્લિનિકલ અનુભવ છે, તેમણે નેત્ર ચિકિત્સા ક્ષેત્રે અનેક સર્જિકલ નવીનતાઓનો પાયો નાખ્યો છે અને વૈશ્વિક સ્તરે પ્રતિષ્ઠિત વૈજ્ઞાનિક જર્નલોમાં અનેક પેપર્સ પ્રકાશિત કર્યા છે. ડૉ.અગ્રવાલ્સ હેલ્થ કેરની કેટલીક મુખ્ય સર્જિકલ ક્ષમતાઓમાં ઇન્ટ્રાઓક્યુલર લેન્સ પ્રક્રિયાઓ, કોર્નિયા ટ્રાન્સપ્લાન્ટેશન, પિનહોલ પ્યુપિલોપ્લાસ્ટી, સિંગલ પાસ ફોર-થ્રો પ્યુપિલોપ્લાસ્ટી અને લેસિક સર્જરીનો સમાવેશ થાય છે.કોટક મહિન્દ્રા કેપિટલ કંપની લિમિટેડ, મોર્ગન સ્ટેનલી ઇન્ડિયા કંપની પ્રાઇવેટ લિમિટેડ, જેફરીઝ ઇન્ડિયા પ્રાઇવેટ લિમિટેડ, મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ બુક-રનિંગ લીડ મેનેજર છે. કેફિન ટેક્નોલોજીસ લિમિટેડ ઇશ્યૂના રજિસ્ટ્રાર છે.આ ઑફર બુક-બિલ્ડિંગ પ્રક્રિયા દ્વારા કરવામાં આવી રહી છે, જેમાં ક્વૉલિફાઈડ ઈન્સ્ટીટ્યુશનલ ખરીદદારોને પ્રમાણસર ધોરણે ફાળવણી માટે ચોખ્ખી ઑફરનો 50%, બિન-સંસ્થાકીય રોકાણકારોને માટે નેટ ઑફરના 15% અને નેટ ઓફરના 35% છૂટક વ્યક્તિગત બિડર્સને ફાળવણી માટે ઉપલબ્ધ છે.