13 સફળ સિઝન બાદ આ ભાગીદારી તેના નવા પ્રકરણમાં પ્રવેશી છે
મુંબઈ, 7 માર્ચ, 2026 – હિન્દુજા ગ્રુપની કંપની અને લુબ્રિકન્ટ્સ ઉદ્યોગમાં અગ્રણી સ્થાન ધરાવતી ગલ્ફ ઓઇલ લુબ્રિકન્ટ્સ ઈન્ડિયા લિમિટેડે આજે ચેન્નાઈ સુપર કિંગ્સ (સીએસકે) સાથે તેની લાંબા સમયથી ચાલતી ભાગીદારીને લંબાવવાની જાહેરાત કરી છે. આ જોડાણ હેઠળ ગલ્ફ હવે આગામી ચાર વર્ષ સુધી ફ્રેન્ચાઇઝીની સત્તાવાર લુબ્રિકન્ટ્સ પાર્ટનર તરીકે ચાલુ રહેશે. આ રિન્યૂઅલ સાથે, ગલ્ફ ભારતની પ્રીમિયર ટી20 સ્પર્ધાના ઇતિહાસમાં સૌથી ટકાઉ બ્રાન્ડ એસોસિયેશન પૈકીના એકને વિસ્તારે છે.
ચેન્નઇ સુપર કિંગ્સ સાથે ગલ્ફની સફર 13 સિઝનથી ચાલી રહી છે, જે તેને લીગની ઇકોસિસ્ટમમાં સૌથી ટકાઉ અને દ્રશ્યમાન બ્રાન્ડ ભાગીદારીમાંની એક બનાવે છે. વર્ષોથી આ સહયોગે ગલ્ફ માટે મજબૂત બ્રાન્ડ ઇક્વિટી બનાવી છે અને બ્રાન્ડને વિશ્વ ક્રિકેટમાં સૌથી ઉત્સાહી અને વફાદાર ચાહકોમાંના એક સાથે જોડી છે. નવી ભાગીદારી નવીનતમ કેમ્પેઇન, ફેન-ફર્સ્ટ પહેલ અને હાઇ-ઇમ્પેક્ટ બ્રાન્ડ અનુભવો દ્વારા દેશભરના લાખો ક્રિકેટ ચાહકોને જોડવા માટે બંને સંસ્થાઓની સહિયારી પ્રતિબદ્ધતાને વધુ મજબૂત બનાવે છે.
ગલ્ફ માટે ગ્રાહક જોડાણ હંમેશા મુખ્ય કેન્દ્ર રહ્યું છે અને આ ભાગીદારી દેશભરના લાખો ચાહકો સાથે અર્થપૂર્ણ રીતે જોડાવા માટે એક પ્લેટફોર્મ બની રહે છે તથા તેની ગ્રાહક બ્રાન્ડને મજબૂત બનાવે છે.
ગલ્ફ ઓઇલ લ્યુબ્રિકન્ટ્સ ઈન્ડિયા લિમિટેડના મેનેજિંગ ડિરેક્ટર અને સીઈઓ રવિ ચાવલાએ જણાવ્યું હતું કે, “સીએસકે સાથે ગલ્ફની 13-સિઝનની સફર વિશ્વાસ, વહેંચાયેલા જુસ્સા અને પરસ્પર સફળતા પર બનેલા સંબંધને દર્શાવે છે. આ ભાગીદારી સતત વ્યાપારી કરારથી ઘણી આગળ વધી છે અને દેશભરના વફાદાર સીએસકે ચાહકો અને ક્રિકેટ ઉત્સાહીઓ સાથે ગહન ભાવનાત્મક જોડાણ બનાવ્યું છે. આ જોડાણ ચાલુ રાખવું એ ગલ્ફ માટે ગર્વની ક્ષણ છે કારણ કે તે લાખો ચાહકોને પ્રેરણા આપતી પર્ફોર્મન્સ સ્પોર્ટ્સ અને પ્રતિષ્ઠિત ટીમોને ટેકો આપવાના અમારા વૈશ્વિક વારસાને રજૂ કરે છે.”
ચેન્નઇ સુપર કિંગ્સના મેનેજિંગ ડિરેક્ટર કે.એસ. વિશ્વનાથને જણાવ્યું હતું કે, “અમને ગલ્ફ સાથે લાંબા સમયથી ચાલતા જોડાણને ચાલુ રાખવાનો આનંદ છે, જે ઘણી યાદગાર સિઝન દરમિયાન અમારી સાથે રહ્યું છે. વર્ષોથી ગલ્ફ અમારા ચાહકો સાથે જોડાણ કરતી વખતે ભાગીદારીમાં સર્જનાત્મકતા અને ઊર્જા સતત લાવી છે. અમે આગામી ચાર વર્ષોમાં આ સંબંધને મજબૂત બનાવવા માટે આતુર છીએ. આ સફર આટલે સુધી પહોંચી તેનાથી અમે ખરેખર ખુશ છીએ.”
આ ભાગીદારી એક નવા તબક્કામાં પ્રવેશી રહી છે ત્યારે ગલ્ફ અને ચેન્નઇ સુપર કિંગ્સ ભારતીય બજારમાં ગલ્ફની મજબૂત હાજરીને મજબૂત બનાવતી વખતે સમર્થકોને ટીમની નજીક લાવવા માટે બનાવાયેલી ઇન્ટિગ્રેટેડ માર્કેટિંગ કેમ્પેઇન, ડિજિટલ એક્ટિવેશન અને ચાહકોની જોડાણ પહેલ પર સહયોગ કરવાનું ચાલુ રાખશે.