ઉત્તર પ્રદેશમાં હવે હેલમેટ વિના જો તમે પેટ્રોલ પંપ પર પહોંચી જશો તો પેટ્રોલ-ડીઝલ મળશે નહીં. જી હાં, ઉત્તર પ્રદેશના સરકારી રાજ્યવ્યાપી સડક સુરક્ષા અધિનિયમ ‘No Helmet, No Fuel’શરુ કરવા જઈ રહ્યા છે.
યૂપીની રાજધાની લખનઉમાં જાહેર કરવામાં આવેલા સત્તાવાર નિવેદન અનુસાર, આ કેમ્પેઈન જિલ્લાધિકારીના નેતૃત્વમાં જિલ્લા સડક સુરક્ષા સમિતિના સમન્વયથી ચલાવવામાં આવશે. નિવેદન અનુસાર, આ સમય દરમ્યાન પોલીસ/રેવન્યૂ/જિલ્લા પ્રશાસન અને પરિવહન વિભાગના અધિકારીની દેખરેખની જવાબદારી રહેશે.સડક સુરક્ષા સમિતિઓના સમન્વયમાં જિલ્લાધિકારીઓના નેતૃત્વમાં ચલાવવામાં આવી રહેલા આ અભિયાનમાં પોલીસ, પરિવહન, રેવન્યૂ અને જિલ્લા પ્રશાસનના અધિકારી સંયુક્ત રીતે કામ કરશે. જેથી આ ખાતરી કરી શકાય કે ટુ વ્હીલર વાહન ચાલક મોટર વાહન અધિનિયમ અંતર્ગત હેલમેટ નિયમોનું પાલન કરે.યોગી સરકારે સામાન્ય લોકોને આ અભિયાનમાં પૂર્ણ સહયોગ કરવાની અપીલ કરી છે. મોટર વાહન અધિનિયમ, 1988ની કલમ 129 ટુ વ્હીલર વાહન ચાલક અને પાછળ બેસનારા વ્યક્તિને હેલમેટ પહેરવાનું ફરજિયાત જણાવે છે. કલમ 194 ડી ઉલ્લંઘન પર દંડની પણ જોગવાઈ કરેલી છે.સુપ્રીમ કોર્ટની સડક સુરક્ષા સમિતિએ પણ રાજ્યોને હેલમેટ સંબંધિત નિયમોનું પાલન કરવાને પ્રાથમિકતા આપવાની સલાહ આપી છે. રાજ્ય સરકારે કહ્યું કે, આ અભિયાનનો ઉદ્દેશ્ય દંડિત કરવાનો નથી, પણ નાગરિકોને કાયદા અનુરુપ અને પોતાની સુરક્ષા માટે પગલા ઉઠાવવા માટે પ્રેરણા આપવાનું છે.