વેદાંત ઇન્ટરનેશનલ પ્રી-સ્કૂલમાં આંતરરાષ્ટ્રીય મહિલા દિવસ નિમિત્તે તમામ માતાઓ માટે ખાસ ઉજવણી યોજવામાં આવી હતી. આ પ્રસંગે માતાઓએ ઉત્સાહપૂર્વક ભાગ લીધો અને વિવિધ મજેદાર પ્રવૃત્તિઓમાં જોડાઈને આનંદ માણ્યો. કાર્યક્રમમાં રમતો, ડ્રોઇંગ, ક્રિયેટિવ થિંકિંગ એક્ટિવિટી, ડાન્સ જેવી અનેક પ્રવૃત્તિઓનું આયોજન કરવામાં આવ્યું હતું.
આ ઉજવણીનો સૌથી ભાવનાત્મક અને ખાસ ભાગ હતો માતાઓ માટે તેમના પતિઓ દ્વારા મોકલાયેલા સરપ્રાઇઝ વોઇસ નોટ્સ. આ સંદેશાઓમાં પતિઓએ પોતાની પત્નીઓ પ્રત્યેનો પ્રેમ, માન અને પરિવાર માટે તેમનું મહત્વ વ્યક્ત કર્યું હતું. આ સાંભળીને ઘણી માતાઓ ભાવુક બની ગઈ અને તેઓએ અનુભવ્યું કે તેઓ પરિવાર માટે કેટલી મહત્વપૂર્ણ અને કિંમતી છે.
આ કાર્યક્રમ દ્વારા દરેક માતાએ આનંદ અને ગર્વ સાથે દિવસ ઉજવ્યો અને પોતાના જીવનમાં સકારાત્મક વિચાર સાથે આગળ વધવાની પ્રેરણા મેળવી.