વિશ્વની દિગ્ગજ આઈફોન નિર્માતા એપલ કંપની પણ સ્ટાફમાં છટણી કરવાની તૈયારીમાં

Apple Inc તેની કોર્પોરેટ રિટેલ ટીમમાંથી ઘણી બધી પોસ્ટનો અંત લાવવાની તૈયારીમાં

ફેસબુક-પેરેન્ટ મેટા પ્લેટફોર્મ્સે ગયા મહિને જણાવ્યું હતું કે તે આ વર્ષે 10,000 નોકરીઓમાં ઘટાડો કરશે

દુનિયાભરમાં છટણીઓના અહેવાલો વચ્ચે વધુ એક દિગ્ગજ કંપનીએ છટણી કરવાની જાહેરાત કરી છે. આઇફોન નિર્માતા એપલ કર્મચારીઓની સંખ્યામાં ઘટાડો કરવાની તૈયારી કરી રહી છે. Apple Inc તેની કોર્પોરેટ રિટેલ ટીમમાંથી ઘણી બધી પોસ્ટનો અંત લાવવાની તૈયારીમાં છે. એક અહેવાલમાં સૂત્રો દ્વારા આ માહિતી આપવામાં આવી હતી. રિપોર્ટમાં જણાવવામાં આવ્યું છે કે છટણીની અસર એ થશે કે Appleની ડેવલપમેન્ટ અને પ્રોટેક્શન ટીમમાં સ્ટાફમાં છટણી થવાની શક્યતા છે.

અમેરિકામાં નોકરીઓમાં મોટાપાયે કાપ

વ્યાજદરમાં વધારાને કારણે આર્થિક મંદીની ચિંતાને કારણે તાજેતરના મહિનાઓમાં કોર્પોરેટ અમેરિકામાં મોટાપાયે નોકરીઓમાં કાપ મુકવામાં આવ્યો છે. ફેસબુક-પેરેન્ટ મેટા પ્લેટફોર્મ્સે ગયા મહિને જણાવ્યું હતું કે તે આ વર્ષે 10,000 નોકરીઓમાં ઘટાડો કરશે, તે સામૂહિક છટણીના બીજા રાઉન્ડની જાહેરાત કરનાર પ્રથમ મોટી ટેક કંપની બનશે.