મુંબઈ, 10 સપ્ટેમ્બર 2026: જિયોસ્ટારના કિડ્સ એન્ડ ફેમિલી પોર્ટફોલિયો દ્વારા લોકપ્રિય પાત્ર મોગલીને નવા અને મજેદાર અંદાજમાં રજૂ કરતી નવી સિરીઝ ‘જંગલ ટેલ્સ વિથ મોગલી’ રજૂ કરવામાં આવી રહી છે. સ્લેપસ્ટિક કોમેડીથી ભરપૂર આ સિરીઝ મનોરંજન અને નોસ્ટાલ્જિયાનો સુંદર સમન્વય રજૂ કરશે. આ સિરીઝનું પ્રીમિયર 12 સપ્ટેમ્બર 2026ના રોજ બપોરે 2 વાગ્યે જિયો હોટસ્ટાર અને ડિઝની ચેનલ પર થશે.
10 વર્ષનો જિજ્ઞાસુ અને તોફાની મોગલી આ સિરીઝનું મુખ્ય પાત્ર છે. જંગલમાં તેના અનોખા સાહસો અને વારંવાર મુશ્કેલીમાં ફસાઈ જવાની ઘટનાઓ દર્શકોને હસાવશે. પરિસ્થિતિજન્ય કોમેડી, સ્લેપસ્ટિક ચેઝ અને રમૂજી સંવાદોથી ભરપૂર આ સિરીઝમાં મોગલીના મિત્રો બાલુ અને બઘીરા, તેમજ તેના પ્રતિસ્પર્ધીઓ શેરખાન, કા અને તબાકી જેવા લોકપ્રિય પાત્રો પણ જોવા મળશે. આ પાત્રો માતા-પિતાની બાળપણની યાદોને તાજી કરશે અને બાળકોને પણ આ લોકપ્રિય પાત્રો સાથે જોડશે.
જિયોસ્ટારના હિન્દી અને અંગ્રેજી એન્ટરટેઇનમેન્ટ બિઝનેસ (સ્ટ્રીમિંગ, ટીવી અને સ્ટુડિયો)ના હેડ અલોક જૈને જણાવ્યું હતું કે, “કેટલાક પાત્રો ક્યારેય જૂના થતા નથી અને એકથી વધુ પેઢીઓ સાથે જોડાવાની અનોખી ક્ષમતા ધરાવે છે. મોગલી આવું જ એક પાત્ર છે. ‘જંગલ ટેલ્સ વિથ મોગલી’ દ્વારા અમે ‘ધ જંગલ બુક’ની યાદગાર દુનિયાને આજના બાળકો અને પરિવારોની ઊર્જા, હાસ્ય અને પસંદગી અનુસાર નવા સ્વરૂપમાં રજૂ કરવા માગતા હતા. અમારું માનવું છે કે આ વાર્તામાં દેશભરના બાળકો અને પરિવારોને સાથે બેસીને માણવાનો મજબૂત આકર્ષણ છે.”
મોટા પાયે ચલાવવામાં આવનારા મલ્ટી-સ્ક્રીન કેમ્પેઇનના ભાગરૂપે ‘જંગલ ટેલ્સ વિથ મોગલી’ જિયોસ્ટાર નેટવર્ક અને જિયો હોટસ્ટાર દ્વારા દર્શકો સુધી પહોંચશે. આ અભિયાનની શરૂઆત Anime India ખાતે થઈ ચૂકી છે, જ્યાં મોગલીની હાજરીએ ચાહકોમાં બાળપણની યાદોને ફરી જીવંત કરી હતી. આગામી તબક્કામાં મોલ્સ અને પરિવારો માટેના મહત્વપૂર્ણ સ્થળોએ પણ આ અભિયાન હાથ ધરવામાં આવશે. ડિજિટલ અભિયાનમાં વિવિધ વયજૂથના ક્રિએટર્સને જોડીને મોગલીની વાર્તાઓને વધુ લોકો સુધી પહોંચાડવામાં આવશે.
આ લોન્ચ જિયોસ્ટારના મલ્ટી-સ્ક્રીન દર્શકો માટે મજબૂત કિડ્સ એન્ડ ફેમિલી એન્ટરટેઇનમેન્ટ ઇકોસિસ્ટમ વિકસાવવાના વિઝનને વધુ મજબૂત બનાવે છે. મોટુ પતલુ, ચિકૂ ઔર બન્ટી અને બિટ્ટુ બહનેબાઝ જેવી સફળ સ્થાનિક આઈપી બાદ ‘જંગલ ટેલ્સ વિથ મોગલી’ જિયોસ્ટારનું 16મું સ્વદેશી ટાઇટલ છે.