ભારતની અગ્રણી એનબીએફસી પૈકીની એક એસએમએફજી ઈન્ડિયા ક્રેડિટે 14 ફેબ્રુઆરી, 2026ના રોજ તેની મુખ્ય પશુધન કલ્યાણ અને ગ્રામીણ આજીવિકા પહેલ, પશુ વિકાસ દિવસ (પીવીડી) ની 8મી એડિશનનું સફળતાપૂર્વક સમાપન કર્યું હતું. ‘સર્વોત્તમ સેવા: પશુ, પરિવાર ઔર પ્રગતિ’ થીમ પર આધારિત, આ પહેલે પશુઓના આરોગ્ય, કુટુંબ સુખાકારી અને ટકાઉ પ્રગતિને મજબૂત બનાવીને સંસ્થાની સર્વાંગી ગ્રામીણ વિકાસ પ્રત્યેની પ્રતિબદ્ધતાને વધુ મજબૂત બનાવી.
2014માં શરૂ કરાયેલો પશુ વિકાસ દિવસ મફત પશુચિકિત્સા સેવાઓ અને નિષ્ણાંત માર્ગદર્શન પ્રદાન કરીને પશુ માલિકોની મહત્વપૂર્ણ આરોગ્યસંભાળ જરૂરિયાતોને પૂરી કરે છે. વર્ષોથી આ પહેલ દેશના સૌથી મોટા એક-દિવસીય પશુ કલ્યાણ કાર્યક્રમોમાંના એકમાં વિકસિત થઈ છે.
એસએમએફજી ઈન્ડિયા ક્રેડિટે 1.55 લાખથી વધુ લોકોના જીવન પર સકારાત્મક અસર કરી છે, જેમાં આશરે 1.4 લાખ પશુઓની સારવાર અને 14,000થી વધુ લોકોને આરોગ્ય સંભાળ સહાયનો સમાવેશ થાય છે, જેનાથી 30,000 થી વધુ પરિવારોને લાભ થયો છે. આ પહેલ 16 રાજ્યોમાં, 510 એસએમએફજી ગ્રામશક્તિ શાખાઓમાં હાથ ધરવામાં આવી હતી, જે ગ્રામીણ ભારતમાં કંપનીની ઊંડાણપૂર્વકની પહોંચ પર ભાર મૂકે છે.
ગુજરાતમાં પશુ વિકાસ દિવસ 37 સ્થળોએ ઉજવવામાં આવ્યો હતો અને લગભગ 7,000 પશુઓને આવશ્યક આરોગ્ય સંભાળ સેવાઓ પૂરી પાડી હતી જેનાથી 2,000થી વધુ પરિવારોને લાભ થયો હતો. દરેક શિબિરમાં સ્થાનિક પશુ ચિકિત્સકો દ્વારા મફત પશુ તપાસ, મફત દવા અને રસીકરણનું વિતરણ અને દૂધાળા પશુઓ માટે ઉપજ વધારવા અંગે સલાહ જેવી સેવાઓ આપવામાં આવી હતી.
આ પહેલના સફળ સમાપન અંગે એસએમએફજી ઈન્ડિયા ક્રેડિટના મેનેજિંગ ડિરેક્ટર અને ચીફ એક્ઝિક્યુટિવ ઓફિસર શ્રી રવિ નારાયણને જણાવ્યું હતું કે, ““સર્વોત્તમ સેવા” તેના ઉચ્ચતમ ધોરણ પર સેવા પૂરી પાડવા વિશે છે, જ્યાં સહાનુભૂતિ અસરને પૂર્ણ કરે છે અને ઇરાદો કાયમી પરિવર્તનમાં પરિણમે છે. ગ્રામીણ ભારતમાં, પશુઓનું સ્વાસ્થ્ય, પરિવારોની સુરક્ષા અને આર્થિક પ્રગતિ એકબીજા સાથે ઊંડાણપૂર્વક જોડાયેલા છે. પશુ વિકાસ દિવસ પશુઓની સંભાળ રાખીને, આજીવિકાને મજબૂત બનાવીને અને સમુદાય સુખાકારીને ટેકો આપીને આ ઇકોસિસ્ટમને પોષવાની અમારી પ્રતિબદ્ધતાને મૂર્ત સ્વરૂપ આપે છે. આ પહેલ દ્વારા, અમે ટકાઉ પરિણામો બનાવવાનું લક્ષ્ય રાખીએ છીએ જે ખેડૂત પરિવારોને સશક્ત બનાવે અને પાયાના સ્તરેથી સમાવિષ્ટ વિકાસને આગળ ધપાવે.”
વર્ષોથી આ પહેલને અનેક રાષ્ટ્રીય અને વૈશ્વિક માન્યતાઓ મળી છે, જે તેના કદ અને પ્રભાવને દર્શાવે છે. પીવીડીને 2015માં લિમ્કા બુક ઓફ રેકોર્ડ્સ, 2018માં બેસ્ટ ઓફ ઈન્ડિયા રેકોર્ડ્સ, 2019માં વર્લ્ડ બુક ઓફ રેકોર્ડ્સ અને 2024માં વર્લ્ડ રેકોર્ડ્સ યુનિયનમાં દેશભરમાં સૌથી મોટા સિંગલ-ડે કેટલ કેર કેમ્પનું આયોજન કરવા બદલ સ્થાન મળ્યું હતું. આ વારસાના આધારે, એસએમએફજી ઈન્ડિયા ક્રેડિટે 2025માં એક મહત્વપૂર્ણ વૈશ્વિક સીમાચિહ્ન હાંસલ કર્યું હતું. ગત વર્ષે કંપનીએ પશુ વિકાસ દિવસે ભારતમાં અનેક સ્થળોએ એકસાથે યોજાતા ‘સૌથી મોટા પશુ કલ્યાણ પાઠ’ માટે ગિનિસ વર્લ્ડ રેકોર્ડ બનાવ્યો હતો, જે કંપનીના ગ્રામીણ કલ્યાણ, પશુઓની સંભાળ અને સમુદાય-આગેવાની હેઠળના વિકાસ માટે લાંબા સમયથી પ્રતિબદ્ધતાને વધુ મજબૂત બનાવે છે.