ડભોઈથી વડોદરા સ્ટેટ હાઇવે પર સ્ટેટ મોનિટરિંગ સેલે પલાસવાડા રેલવે ફાટક પાસે ગઈ રાત્રે વોચ ગોઠવી હતી દરમ્યાન બાતમી મુજબની બે કાર આવતા તેને રોકી તપાસ કરતા અંદરથી 4018 નંગ દારૂની બોટલો મળી હતી પોલીસે રૂ. 4.10 લાખનો દારૂ, ચાર મોબાઈલ અને બે કાર મળી કુલ 24.52 લાખ રૂપિયાનો મુદ્દામાલ કબજે કર્યો હતો. તેમજ કારના ડ્રાઇવર રજાક અબ્દુલ મન્સૂરી રહે.નવીનગરી એસટી ડેપો ચાલ વાઘોડિયા અને દિલીપ મહેન્દ્ર પરમાર રહે.
કમલાનગર સોસાયટી વાઘોડિયાને ઝડપી પાડ્યા હતા. જ્યારે દારૂ લઈને આવનાર તેમજ દારૂ ભરેલી ગાડીનું પાયલોટિંગ કરનાર મુખ્ય આરોપી નીરવ ઉર્ફે નીલેશ ભરત પટેલ રહે વૃંદાવન ચાર રસ્તા પાસે વાઘોડિયા રોડ સલીમ ઉર્ફે બટકો પઠાણ દારૂના ધંધાનો પાર્ટનર તેમજ રાકેશ સહિત પાંચ શખ્સોને પોલીસે વોન્ટેડ જાહેર કર્યા હતા આ અંગે ડભોઇ પોલીસે ગુનો નોંધી વધુ તપાસ હાથ ધરી છે.