GST 2.0: GST કાઉન્સિલે 12% અને 28% સ્લેબ નાબૂદ કર્યા છે અને 12% અને 18% ના બે સ્લેબને મંજૂરી આપી છે. આનાથી ઘણી રોજિંદા વસ્તુઓ સસ્તી થશે.
જીએસટી કાઉન્સિલની બુધવારે યોજાયેલી બેઠકમાં ઘણા મહત્વના નિર્ણય લેવામાં આવ્યા છે. 12 ટકા અને 28 ટકાના ટેક્સ સ્લેબને ખતમ કરી દેવામાં આવ્યા છે. હવે 5 ટકા અને 18 ટકાના બે સ્લેબ રાખવામાં આવ્યા છે. સાબુ, બિસ્કિટ, કોફી, બટર જેવી જીવન જરૂરિયાતની વસ્તુઓ પર જીએસટી ઘટાડી દેવામાં આવ્યો છે. હેલ્થ અને લાઇફ ઈન્શ્યોરન્સ પ્રીમિયમને પણ ટેક્સ ફ્રી કરી દેવામાં આવ્યું છે. આ સાથે લક્ઝરી અને સિન ગુડ્સ પર 40 ટકા ટેક્સ લગાવવાની જાહેરાત કરવામાં આવી છે. આઠ વર્ષ જૂની ટેક્સ રિઝીમમાં કેટલાક મોટા ફેરફાર થયા છે, આવો તેના પર એક નજર કરીએ.22 સપ્ટેમ્બર, 2025 થી વસ્તુઓ અને સેવાઓ પર GST ના સુધારેલા દરો લાગુ થશે. તમાકુ સંબંધિત ઉત્પાદનો માટેના વર્તમાન દરો હાલ માટે ચાલુ રહેશે અને નવા દરો પછીથી જાહેર કરવામાં આવશે.કાઉન્સિલે ટોયલેટ સાબુ, શેમ્પૂ, ટૂથબ્રશ, શેવિંગ ક્રીમ, હેર ઓઇલ અને ફેસ પાવડર જેવી રોજિંદા જીવનમાં વપરાતી ઘણી વસ્તુઓ પર GSTમાંથી રાહત આપી છે, હવે તેના પર 5 ટકા GST લાગશે. જ્યારે પહેલા આના પર 18 ટકા GST લાગતો હતો. ખાદ્ય પદાર્થોની વાત કરીએ તો, રોટલી-પરાઠા પરનો GST સંપૂર્ણપણે નાબૂદ કરવામાં આવ્યો છે. આ ઉપરાંત, બીજી શ્રેણીમાં આવતી ખાદ્ય ચીજોને પણ 5 ટકાના સ્લેબમાં લાવવામાં આવશે. પહેલા પેક કરેલા નમકીન, ભુજિયા, મિશ્રણ પર 12 ટકા GST લાગતો હતો. હવે 5 ટકા GST લાગશે. આ સાથે, માખણ, ઘી, ચીઝ, ડેરી સ્પ્રેડ પર હવે પહેલાના 12 ટકાને બદલે 5 ટકા GST લાગશે.બધી દવાઓ પર GST 12 ટકાથી ઘટાડીને 5 ટકા કરવામાં આવ્યો છે. સૌથી મહત્વની વાત એ છે કે 33 જીવનરક્ષક દવાઓ પર GST 12 ટકાથી ઘટાડીને શૂન્ય કરવામાં આવ્યો છે. આ સાથે, કેન્સર જેવી ઘણી ગંભીર બીમારીઓની સારવારમાં વપરાતી ત્રણ જીવનરક્ષક દવાઓ પર GST પણ 5 ટકાથી ઘટાડીને શૂન્ય કરવામાં આવ્યો છે. એટલું જ નહીં, તબીબી, સર્જિકલ, પશુચિકિત્સા અને ભૌતિક અથવા રાસાયણિક વિશ્લેષણમાં ઉપયોગમાં લેવાતા ઘણા ઉપકરણો પર GST પણ 12 ટકાથી ઘટાડીને 5 ટકા કરવામાં આવ્યો છે.
પેટ્રોલ, પેટ્રોલ હાઇબ્રિડ કાર, LPG, LNG કારની ખરીદી પર હવે 18% GST ચૂકવવો પડશે. જોકે, આ માટે એક શરત રાખવામાં આવી છે કે પેટ્રોલ અને CNG પર ચાલતી કાર 1200cc થી વધુ ન હોવી જોઈએ. તેમની લંબાઈ પણ 4 મીટરથી વધુ ન હોવી જોઈએ. ડીઝલ અને ડીઝલ હાઇબ્રિડ કાર પર પણ હવે 28% ને બદલે 18% GST લાગશે. જોકે, શરત રાખવામાં આવી છે કે તેમની એન્જિન ક્ષમતા 1500cc થી વધુ ન હોવી જોઈએ અને લંબાઈ 4 મીટર સુધીની હોવી જોઈએ. હવે ટુ-વ્હીલર પર 28% ને બદલે 18% GST લાગશે. આનાથી 350cc કે તેથી ઓછી એન્જિન ક્ષમતાવાળા મોડેલોને ફાયદો થશે.લાઇફ અને હેલ્થ ઈન્શ્યોરન્સના પ્રીમિયમ પર જીએસટીને ખતમ કરી દેવામાં આવ્યો છે. આ પહેલા બંને વસ્તુઓ પર 18 ટકા ટેક્સ લાગતો હતો. તેની માંગ લાંબા સમયથી કરવામાં આવી રહી હતી. તેનાથી ઈન્શ્યોરન્સ કવરેજનો લાભ વધુમાં વધુ લોકો લઈ શકશ