નવી દિલ્હી, 17 નવેમ્બર, 2026: ભારતીય પંખા ઉદ્યોગમાં નવીનતમ ટેક્નોલોજી અને શ્રેણી-પરિવર્તનકારી ઉત્પાદનો રજૂ કરવાની પોતાની પરંપરાને આગળ વધારતાં, હેવેલ્સ ઇન્ડિયા લિમિટેડે આજે સીલિંગ ફેનની નવી પેઢી રજૂ કરી છે. આ નવા પંખાઓનો ઉદ્દેશ્ય કામગીરી, ઊર્જા કાર્યક્ષમતા, સ્માર્ટ ટેક્નોલોજી અને આરામના ક્ષેત્રમાં ગ્રાહકોની અપેક્ષાઓને નવી દિશા આપવાનો છે. કંપનીએ ત્રણ અત્યાધુનિક નવીનતાઓ રજૂ કરી છે, જેમાં ભારતનો પ્રથમ સુપર હાઈ-સ્પીડ બીએલડીસી+ ફેન¹, ડ્યુઅલ કંટ્રોલ સાથેની સાયલન્ટ એર મેક્સ બીએલડીસી+ સીલિંગ ફેન શ્રેણી અને ભારતનો પ્રથમ એજન્ટિક એઆઈ ફેન¹ સામેલ છે. આ નવી રજૂઆત ટેક્નોલોજી આધારિત નવીનતાઓ દ્વારા ઘરેલુ ઇલેક્ટ્રિકલ સોલ્યુશન્સને વધુ આધુનિક બનાવવાની કંપનીની પ્રતિબદ્ધતામાં એક વધુ મહત્ત્વપૂર્ણ સીમાચિહ્ન છે.

દાયકાઓથી ભારતીય સીલિંગ ફેન બજારમાં ઇન્ડક્શન ફેન્સનું પ્રભુત્વ રહ્યું છે. આ પંખાઓ વધુ વીજ વપરાશ હોવા છતાં તેમની ઊંચી ગતિ અને હવાના વધુ પ્રવાહ માટે જાણીતા રહ્યા છે. બીજી તરફ, બીએલડીસી ફેન્સ તેમની ઉત્તમ ઊર્જા કાર્યક્ષમતા અને સ્માર્ટ ફીચર્સને કારણે લોકપ્રિય બન્યા છે, પરંતુ ગ્રાહકોમાં એવી માન્યતા રહી છે કે આ પંખાઓની ગતિ અને હવાનો પ્રવાહ પ્રમાણમાં ઓછો હોય છે. આ લાંબા સમયથી ચાલી આવતી માન્યતાને દૂર કરવા માટે હેવેલ્સે બીએલડીસી શ્રેણીને નવેસરથી વિકસાવી છે, જેમાં ઊંચી ગતિની કામગીરી સાથે બુદ્ધિશાળી અને ઊર્જા-કાર્યક્ષમ ટેક્નોલોજીનો સમન્વય કરવામાં આવ્યો છે.
આ નવી શ્રેણીમાં અગ્રણી સ્થાન ભારતના પ્રથમ સુપર હાઈ-સ્પીડ બીએલડીસી+ ફેનનું છે, જેને પરંપરાગત બીએલડીસી પંખાઓ કરતાં વધુ સારી કામગીરી આપવા માટે ખાસ ડિઝાઇન કરવામાં આવ્યો છે. આ પંખામાં ઉદ્યોગમાં પ્રથમ વખત 385 આરપીએમની ઝડપ સાથે છઠ્ઠું સુપર હાઈ-સ્પીડ લેવલ અને 400 આરપીએમની ઝડપ સાથે સાતમું અલ્ટ્રા બૂસ્ટ સ્પીડ લેવલ આપવામાં આવ્યું છે. આ નવી ટેક્નોલોજી ઇન્ડક્શન ફેન્સની ઊંચી ગતિ અને બીએલડીસી ટેક્નોલોજીની ઊર્જા કાર્યક્ષમતા વચ્ચેના પરંપરાગત સમાધાનની જરૂરિયાતને દૂર કરે છે.
શક્તિશાળી અને શાંત મોટરથી સજ્જ આ પંખામાં નવીન એસી મોડ પણ આપવામાં આવ્યો છે, જે રૂમમાં ઠંડી હવાનું સમાન અને બુદ્ધિશાળી રીતે પરિભ્રમણ કરે છે. આથી વધુ આરામ, ઓછો અવાજ અને વીજળીના વપરાશમાં વધુ કાર્યક્ષમતા મળે છે. અન્ય વિશેષતાઓમાં 65% સુધીની વીજળીની બચત², રિવર્સ રોટેશન, સ્લીપ મોડ, RF રિમોટ કંટ્રોલ, આઠ કલાક સુધીનું ટાઇમર સેટિંગ અને 5-સ્ટાર ઊર્જા રેટિંગનો સમાવેશ થાય છે.
નવીનતાના પોર્ટફોલિયોને વધુ વિસ્તૃત કરતાં હેવેલ્સે ડ્યુઅલ કંટ્રોલ સાથેની ભારતની પ્રથમ સાયલન્ટ એર મેક્સ બીએલડીસી+ સીલિંગ ફેન શ્રેણી પણ રજૂ કરી છે. આ શ્રેણી એવા ગ્રાહકો માટે તૈયાર કરવામાં આવી છે, જેઓ કૂલિંગની કામગીરી સાથે કોઈ બાંધછોડ કર્યા વિના ઘરમાં શાંતિપૂર્ણ વાતાવરણ ઇચ્છે છે. માત્ર 50 dB¹ના અત્યંત ઓછા અવાજ સાથે કાર્યરત આ પંખો શાંત કામગીરી, શક્તિશાળી હવાનો પ્રવાહ અને આકર્ષક ડિઝાઇનનો ઉત્તમ સમન્વય છે.
આ પંખામાં ડ્યુઅલ કંટ્રોલની સુવિધા આપવામાં આવી છે, જેના દ્વારા રેગ્યુલેટર અને રિમોટ બંનેની મદદથી પંખાને નિયંત્રિત કરી શકાય છે. ઉપરાંત, સમગ્ર રૂમમાં સમાન ઠંડક જળવાઈ રહે તે માટે ઇન્ટેલિજન્ટ AC મોડ પણ આપવામાં આવ્યો છે. અન્ય સુવિધાઓમાં રિવર્સ રોટેશન, સ્લીપ મોડ, RF રિમોટ કંટ્રોલ, 65% સુધીની વીજળીની બચત, ટાઇમર ફંક્શન અને 5-સ્ટાર ઊર્જા રેટિંગનો સમાવેશ થાય છે.

આ ઉપરાંત, હેવેલ્સે Epic Signia Smart Fan સાથે ભારતનો પ્રથમ એજન્ટિક એઆઈ ફેન પણ રજૂ કર્યો છે. અગાઉનાં પરંપરાગત વૉઇસ-એનેબલ્ડ ઉપકરણો નિર્ધારિત વૉઇસ કમાન્ડ્સ પર આધારિત હોય છે, જ્યારે આ એજન્ટિક એઆઈ ફેન કુદરતી સંવાદને સમજવા અને વપરાશકર્તાના ઇરાદાનું બુદ્ધિશાળી રીતે અર્થઘટન કરવા સક્ષમ છે.
ગ્રાહકો આ પંખા સાથે અંગ્રેજી, હિન્દી, તમિલ, તેલુગુ, કન્નડ, મલયાલમ, બંગાળી અને ગુજરાતી સહિતની 10થી વધુ ભારતીય ભાષાઓમાં સામાન્ય વાતચીતની જેમ સંવાદ કરી શકશે. આ સુવિધા પંખાના ઉપયોગને વધુ સરળ, સહજ અને વ્યક્તિગત અનુભવ બનાવે છે. આ પંખામાં 65% સુધીની વીજળીની બચત, રિવર્સ રોટેશન, બૂસ્ટ મોડ, બ્રિઝ મોડ, મોપ મોડ, સ્લીપ મોડ અને 5-સ્ટાર ઊર્જા રેટિંગ જેવી સુવિધાઓ પણ સામેલ છે.
આ લોન્ચ અંગે હેવેલ્સ ફેન્સના સિનિયર વાઇસ પ્રેસિડેન્ટ (સેલ્સ) શ્રી કુલભૂષણ ભારદ્વાજે જણાવ્યું હતું કે, “નવીનતા હંમેશાં હેવેલ્સની વિકાસયાત્રાના કેન્દ્રમાં રહી છે. અમારી નવીનતમ ફેન શ્રેણી ટેક્નોલોજીના માધ્યમથી ગ્રાહકોની વાસ્તવિક સમસ્યાઓનું સમાધાન લાવવાની અમારી પ્રતિબદ્ધતા દર્શાવે છે. પછી તે બીએલડીસી પંખાઓ અંગેની પ્રવર્તમાન માન્યતાઓને દૂર કરવાની વાત હોય, રિમોટ અને રેગ્યુલેટરની સરળ સુવિધા સાથે અત્યંત શાંત અને આરામદાયક અનુભવ આપવાની વાત હોય કે પછી સંવાદ આધારિત બુદ્ધિશાળી ટેક્નોલોજી રજૂ કરવાની વાત હોય, અમે ભારતીય પંખા ઉદ્યોગમાં નવીનતાના આગામી તબક્કાને આકાર આપી રહ્યા છીએ. આ નવી રજૂઆતો શ્રેષ્ઠ કામગીરી, ઊર્જા કાર્યક્ષમતા અને સરળ વપરાશકર્તા અનુભવનું સંયોજન ધરાવતાં ઉત્પાદનો બનાવવાના અમારા સંકલ્પને વધુ મજબૂત બનાવે છે.”
હેવેલ્સની આ નવી રજૂ કરાયેલી ફેન શ્રેણી કંપનીના રિટેલ નેટવર્ક અને અધિકૃત વેચાણ કેન્દ્રો પર વિવિધ મોડેલ્સ, રંગો અને 1200 મિમી સ્વીપ વેરિઅન્ટ્સમાં ઉપલબ્ધ થશે.
