બોલિવૂડના દિગ્ગજ અભિનેતા અને ‘હી-મેન’ તરીકે જાણીતા ધર્મેન્દ્રનું નિધન 24 નવેમ્બર, 2025ના રોજ થયું હતું. તેમના નિધનના થોડા જ અઠવાડિયા પછી, આજે 8 ડિસેમ્બર, 2025ના રોજ તેમનો 90મો જન્મદિવસ છે. આ ભાવનાત્મક અવસરે, તેમની પુત્રી અને અભિનેત્રી ઈશા દેઓલે પોતાના પિતાને યાદ કરીને ઇન્સ્ટાગ્રામ પર એક હૃદયસ્પર્શી પોસ્ટ શેર કરી છે, જેમાં તેણે પિતા પ્રત્યેના પોતાના ઊંડા પ્રેમ અને દર્દને વ્યક્ત કર્યો છે.ઈશા દેઓલે પોતાના દિવંગત પિતા સાથેના સુંદર અને અંગત ફોટા શેર કર્યા છે. પિતાના નિધન પછી આ તેનો પહેલો ભાવુક સંદેશ છે. ઈશા દેઓલે કેપ્શનમાં લખ્યું હતું કે, “મારા પ્રિય પપ્પા, તમે જ્યાં પણ હોવ, સ્વર્ગ હોય કે ધરતી પર, અમે હંમેશા સાથે છીએ. અમે તમને અમારા હૃદયમાં ખૂબ જ કોમળતાથી, કાળજીપૂર્વક અને કિંમતી રીતે રાખી દીધા છે. અમે તમારી સાથે વિતાવેલી જાદુઈ અનમોલ યાદો, માર્ગદર્શન, બિનશરતી પ્રેમ, આદર અને શક્તિ, જે પણ તમે તમારી પુત્રીને આપ્યું તે જગ્યા કોઈ નહીં લઈ શકે.ઈશાએ આગળ લખ્યું, “પપ્પા, મને તમારી ખૂબ યાદ આવે છે. તમારું હૂંફાળું આલિંગન, જે સૌથી ગરમ ધાબળામાં સુરક્ષિત અનુભવવા જેવું હતું. તમારા કોમળ છતાં મજબૂત હાથ પકડીને, હું મારી જાતને સૌથી મજબૂત અનુભવતી હતી. તમારી કહેલી વાતો હંમેશા વિનમ્ર રહો, ખુશ રહો, સ્વસ્થ અને મજબૂત રહો… આ શબ્દો કાનમાં સતત ગુંજતા રહે છે.