સુરત, ૨૦૨૬: ગ્રાહક ચેતના ટ્રસ્ટ દ્વારા આપવામાં આવેલી માહિતી અને ગુપ્ત બાતમીના આધારે કાર્યવાહી કરતા સુરત પોલીસે ગેરકાયદેસર સિગારેટના સપ્લાયર નિતેશભાઈ ભાગવાગરની ધરપકડ કરી છે. આ કાયદાકીય કાર્યવાહી દરમિયાન એસે લાઇટ , એસે બ્લેક અને બ્લેક જેવી બ્રાન્ડની અંદાજે ૭૦,૦૦૦ ગેરકાયદેસર સિગારેટ જપ્ત કરવામાં આવી હતી.
ગ્રાહક ચેતના ટ્રસ્ટના પ્રિન્સિપલ ટ્રસ્ટી શ્રી સુરેશ કૌશિકે જણાવ્યું હતું કે, “અમારી માહિતી પર કાર્યવાહી કરવા અને આ કેસોને આગળ ધપાવવા બદલ અમે કાયદા અમલીકરણ સંસ્થાઓનો આભાર માનીએ છીએ. ગેરકાયદેસર સિગારેટના વેપારનો સામનો કરવાની અને કડક પગલાં ભરીને આ દૂષણ નાબૂદ કરવાની તાકીદની જરૂરિયાત છે. અમે ભારતમાં ગેરકાયદેસર, નકલી અને બિનઅધિકૃત વસ્તુઓ વિશે ગ્રાહકોમાં શિક્ષણ અને જાગૃતિ ફેલાવવા માટે કટિબદ્ધ છીએ. ગેરકાયદેસર સિગારેટનો વેપાર જાહેર આરોગ્ય અને સમાજ માટે એક ગંભીર અને વધતો જતો ખતરો છે — સરકાર કરવેરાની આવક ગુમાવી રહી છે, કાયદેસરના વ્યવસાયો પડકારાઈ રહ્યા છે, અને ગ્રાહકો અનિયંત્રિત (અનરેગ્યુલેટેડ) ઉત્પાદનોનો ભોગ બની રહ્યા છે.”