Tuesday, November 17, 2026
HomeGujaratઆધ્યાત્મિકતા અને માનવતાનો દિવ્ય સંગમ : ૭૯મો વાર્ષિક નિરંકારી સંત સમાગમ

આધ્યાત્મિકતા અને માનવતાનો દિવ્ય સંગમ : ૭૯મો વાર્ષિક નિરંકારી સંત સમાગમ

Date:

Related stories

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

‘જાગૃતિ’ના માધ્યમથી આત્મચિંતન, બ્રહ્મજ્ઞાન અને માનવતાનો દિવ્ય સંદેશ
વિશ્વભરના નિરંકારી ભક્તો અને પ્રભુપ્રેમીઓ માટે વાર્ષિક નિરંકારી સંત સમાગમ ભક્તિ, પ્રેમ, આધ્યાત્મિકતા અને મિલવર્તનનું અનુપમ પર્વ છે. નિરંકારી સદગુરૂ માતા સુદીક્ષાજી મહારાજ તથા પૂજ્ય રાજપિતાજીના પાવન સાન્નિધ્યમાં ૭૯મો વાર્ષિક નિરંકારી સંત સમાગમ તા.૨૩થી ૨૬ ઑક્ટોબર દરમિયાન હરિયાણાના સમાલખા સ્થિત સંત નિરંકારી આધ્યાત્મિક સ્થળે યોજાનાર છે.આ પાવન અવસરે દસ લાખથી વધુ ભક્તો ઉપસ્થિત રહેશે તેવી અપેક્ષા છે.

આ સમાગમમાં દેશ-વિદેશના ભક્તો સત્સંગ-સુમિરણ અને સેવાકાર્યોમાં સહભાગી બની સદગુરૂના આશીર્વચનોનું શ્રવણ કરશે. સમાગમના વિશાળ પરિસરમાં સેવાકાર્યો પૂર્ણ થયાં છે. દિલ્હી ઉપરાંત વિવિધ રાજ્યો અને ગુજરાતમાંથી આવેલા સંતો તથા સેવાદળના સભ્યો ઉત્સાહપૂર્વક સેવાઓમાં યોગદાન આપી રહ્યા છે. બાળકો-યુવાનો અને વડીલોમાં અનેરો ઉત્સાહ તથા સમર્પણ જોવા મળી રહ્યું છે.નિરંકારી મિશન બ્રહ્મજ્ઞાન દ્વારા યુવાવર્ગને આધ્યાત્મિકતા સાથે જોડીને સકારાત્મકતા,સંયમ, સહિષ્ણુતા અને માનવતાના મૂલ્યોનું સિંચન કરી રહ્યું છે.વિવિધ જાતિ,ધર્મ અને વર્ગના લોકો ભેદભાવ વિના સેવાકાર્યોમાં જોડાઈ એકતા અને માનવતાનો સંદેશ આપી રહ્યા છે.આ વર્ષનો સંત સમાગમ ‘જાગૃતિ’ વિષય પર આધારિત છે.દેશ-વિદેશના વક્તાઓ,ગાયક કલાકારો અને કવિઓ પ્રેરણાદાયી વિચારો તથા ભક્તિમય રચનાઓ દ્વારા પ્રેમ-એકતા અને સદભાવનાનો સંદેશ આપશે.નિરાકાર પ્રભુ-પરમાત્મા શાશ્વત સત્ય અને સમગ્ર સૃષ્ટિના મૂળ સ્ત્રોત છે.બ્રહ્મજ્ઞાન દ્વારા મનુષ્ય દરેક જીવમાં પરમાત્માની હાજરીનો અનુભવ કરે છે,જેના પરિણામે હૃદયમાં પ્રેમ,કરૂણા,પરોપકાર અને સમાનતા ની ભાવના વિકસે છે.સદગુરૂ માતા સુદીક્ષાજી મહારાજના ઉપદેશો આત્મીયતા અને માનવતાને જીવનમાં ઉતારવાની પ્રેરણા આપે છે.સદગુરૂ સમજાવે છે કે જેમ ઓરડામાં અંધકાર દૂર કરવા સ્વિચ ચાલુ કરતાં પ્રકાશ ફેલાય છે તેમ બ્રહ્મજ્ઞાન પ્રાપ્ત થતાં અજ્ઞાનતાનો અંધકાર દૂર થઈ જીવનમાં જ્ઞાનનો પ્રકાશ પ્રગટે છે. પરમાત્મા સાથે જોડાયેલું મન આંતરિક શાંતિ પ્રાપ્ત કરે છે અને વ્યક્તિના વિચારો-વાણી તથા કર્મમાં સકારાત્મકતા આવે છે.આધ્યાત્મિકતા સાંસારિક જવાબદારીઓથી દૂર જવાનું નહીં પરંતુ સંસારમાં રહીને અલિપ્તભાવથી કર્તવ્ય નિભાવવાનું શીખવે છે.નિઃસ્વાર્થ સેવા-સત્સંગ અને સુમિરણ મનુષ્યને અહંકારથી મુક્ત કરી જીવનમાં સહજતા અને સંતુલન લાવે છે.સંતો કોઈની જાતિ,ધર્મ,અમીરી કે ગરીબીના આધારે ભેદભાવ રાખતા નથી.તેમના જીવનમાં પ્રેમ આપવાની,બીજાના સુખમાં સુખ અનુભવવાની અને કૃતજ્ઞતાથી જીવવાની ભાવના પ્રબળ હોય છે.સાચો પ્રેમ અપેક્ષારહિત હોય છે અને માનવતાને મજબૂત બનાવે છે.આમ ૭૯મો વાર્ષિક નિરંકારી સંત સમાગમ ‘જાગૃતિ’ના માધ્યમથી બ્રહ્મજ્ઞાન-આધ્યાત્મિકતા અને માનવતાના મૂલ્યોને જીવનમાં આત્મસાત્ કરવાની પ્રેરણા આપશે.સદગુરૂના ઉપદેશોથી સૌના જીવનમાં પ્રેમ,એકતા,શાંતિ અને આત્મીયતાનો પ્રકાશ પ્રસરાવે એ જ શુભકામના.

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories

LEAVE A REPLY

Please enter your comment!
Please enter your name here