પ્રો-કબડ્ડી લીગ (પીકેએલ)ની 12મી સિઝનનો પ્રારંભ થઈ રહ્યો છે અને આ અત્યારસુધીની સૌથી રોમાંચક તથા આક્રમક સિઝન રહેશે. તેનો પ્રારંભ આંધ્રપ્રદેશના શાનદાર પોર્ટ સિટી એવા વિશાખાપટ્ટનમથી થશે. રસપ્રદ વાત એ છે કે, લીગ 7 વર્ષ બાદ ભારતના રાષ્ટ્રીય રમત-ગમત દિવસે 29 ઓગસ્ટના રોજ અહીં પુનરાગમન કરી રહી છે. પ્રો-કબડ્ડી લીગની આ સિઝનની પ્રથમ મેચમાં હોમ ફેવરિટ ટીમ તેલુગુ ટાઈટન્સનો સામનો લીગની પ્રથમ મેચમાં તમિલ થલાઈવાઝથી થશે, જ્યારે બીજી મેચમાં બેંગ્લુરુ બુલ્સ અને પુનેરી પલ્ટન વિશાખાપટ્ટનમા વિશ્વનાથ સ્પોર્ટ્સ ક્લબમાં એકબીજા સામે ટકરાશે.નવી સિઝનની શરૂઆત માટે વરુણ બીચ સ્થિત નોવોટેલ હોટલમાં એક ભવ્ય લોન્ચનું આયોજન કરાયું હતું. આ સમારોહની શરૂઆત મશાલના બિઝનેસ હેડ અને પ્રો-કબડ્ડી લીગના ચેરમેન અનુપમ ગોસ્વામી, તેલુગુ ટાઈટન્સના કેપ્ટન વિજય મલિક, તમિલ થલાઈવાઝના કેપ્ટન પવન સહરાવત અને અન્ય 10 કેપ્ટને કરી હતી.આ પ્રસંગે મશાલના બિઝનેસ હેડ અને પ્રો-કબડ્ડી લીગના ચેરમેન શ્રી અનુપમ ગોસ્વામીએ કહ્યું કે,”અમે પીકેએલની વધુ એક શાનદાર સિઝનના કમબેક માટે ઉત્સાહિત છીએ. નવી સિઝનમાં એક નવા જ ફોર્મેટને દર્શકોને એક્શનની વધુ નિકટ લાવવા માટે ડિઝાઈન કરવામાં આવ્યું છે. દરેક મેચના મહત્ત્વમાં ઘણો વધારો થયો છે. જેથી સિઝનની ચમકમાં પણ વધારો થશે, કારણ કે- અમે લીગને વિશાખાપટ્ટનમમાં લાંબા સમયથી જેની રાહ જોવાતી હતી તે લીગને રમાતી જોઈશું. આપણે 29મી એ જ રાષ્ટ્રીય રમત-ગમત દિવસની પણ ઉજવણી કરી રહ્યાં છીએ. જેમાં લીગ દિગ્ગજ એથ્લિટોને સન્માનિત કરશે અને આવા શુભ પ્રસંગે જ સિઝનનો પ્રારંભ કરવો રોમાંચક છે.”