પશ્ચિમ રેલવે દ્વારા તહેવારોની મોસમ દરમિયાન મુસાફરોની ભીડને ધ્યાનમાં રાખીને અમદાવાદ અને ખડગપુર વચ્ચે વિશેષ ભાડા પર એક સ્પેશિયલ ટ્રેન ચલાવવાનો નિર્ણય લીધો છે. ટ્રેનની વિગતો નીચે મુજબ છે:
•ટ્રેન નં. ૦૨૮૩૩/૦૨૮૩૪ અમદાવાદ-ખડગપુર સ્પેશિયલ (કુલ બે ટ્રિપ) ટ્રેન નંબર ૦૨૮૩૩ અમદાવાદ – ખડગપુર સ્પેશિયલ ૨૩ ઓક્ટોબર, ૨૦૨૬ (શુક્રવાર) ના રોજ અમદાવાદથી સવારે ૯:૪૦ વાગ્યે ઉપડશે અને બીજા દિવસે સાંજે ૧૭:૧૦ વાગ્યે ખડગપુર પહોંચશે.તેવી જ રીતે, ટ્રેન નંબર ૦૨૮૩૪ ખડગપુર – અમદાવાદ સ્પેશિયલ ૨૧ ઓક્ટોબર, ૨૦૨૬ (બુધવાર) ના રોજ ખડગપુરથી ૦૫:૦૦ વાગ્યે ઉપડશે અને બીજા દિવસે ૧૩:૫૦ વાગ્યે અમદાવાદ પહોંચશે.માર્ગ માં બંને દિશાઓમાં આ ટ્રેન વડોદરા, ભરૂચ, સુરત, નંદુરબાર, ભુસાવલ, અકોલા, બડનેરા, નાગપુર, ગોંદિયા, દુર્ગ, રાયપુર, બિલાસપુર, ચંપા, રાયગઢ, ઝારસુગુડા, રાઉરકેલા અને ટાટાનગર સ્ટેશન પર રોકાશે.આ ટ્રેનમાં એસી ૨-ટાયર, એસી 3-ટાયર, સ્લીપર ક્લાસ અને સેકન્ડ જનરલ ક્લાસ કોચ હશે.ટ્રેન નંબર ૦૨૮૩૩ માટે બુકિંગ ૨૨.૧૦.૨૦૨૬ થી સવારે ૦૮:00 વાગ્યે બધા પેસેન્જર રિઝર્વેશન સેન્ટરો અને IRCTC વેબસાઇટ પર શરુ થશે. ટ્રેનના પરિચાલન સમય, સ્ટોપેજ અને કોચની રચના સંબંધિત વિગતવાર માહિતી માટે, મુસાફરો www.enquiry.indianrail.gov.in ની મુલાકાત લઈ શકે છે.