એન્ડટીવી પર ભાભીજી ઘર પર હૈની નવી વાર્તામાં આંચકાજનક વળાંક માટે તૈયાર રહો. અનિતા (વિદિશા શ્રીવાસ્તવ)ને ગમખ્વાર બસ અકસ્માત નડે છે, જે બધાને આંચકો આપે છે અને વિભૂતિ નારાયણ મિશ્રા (આસીફ શેખ) માટે નવા લગ્નની સંભાવના ઊભી થાય છે.
મનમોહન તિવારીની ભૂમિકા ભજવતો રોહિતાશ ગૌર કહે છે, “અનિતા સેમિનાર માટે શહેરની બહાર જઈ રહી છે એવી માહિતી વિભૂતિને આપે છે. વિભૂતિ હવે અંગૂરી (શુભાંગી અત્રે) સાથે ખુલ્લેઆમ ફલર્ટ કરવા મળશે એવું વિચારીને ખુશ થાય છે. જોકે તે પછી દરોગા હપ્પુ સિંહ (યોગેશ ત્રિપાઠી) અનિતાની બસને દુર્ઘટના નડી છે એવા દુઃખના સમાચાર લઈને આવે છે. બધા જ ભાંગી પડે છે. તિવારીને ચક્કર આવે છ, વિભૂતિ સ્તબ્ધ થઈ જાય છે અને ડેવિડ ચાચા (અનુપ ઉપાધ્યાય)ને હાર્ટ એટેક આવે છે. ડોક્ટર (જિતુ ગુપ્તા) દરેકને એવી માહિતી આપે છે કે ડેવિડ ચાચાનું હવે ફક્ત એક વર્ષ બાકી છે. વિભૂતિ દુઃખમાં દારૂ પીએ છે. ડેવિડ ચાચા વિભૂતિને બીજાં લગ્ન કરવા અને પૌત્રને જોવાની છેલ્લી ઈચ્છા પૂર્ કરવા માટે કાલાવાલા કરે છે. વિભૂતિ આરંભમાં ઈનકાર કરે છે, પરંતુ અંગૂરી તેને મનાવી લે છે. પ્રેમ (વિશ્વજિત સોની) સંભાવ્ય છોકરી શોધી લાવે છે અને તુરંત સગાઈની વ્યવસ્થા કરવામાં આવે છે. “
અંગૂરીની ભૂમિકા ભજવતી શુભાંગી અત્રે ઉમેરે છે, “એક વૃદ્ધ જુએ છે કે અનિતાનું શરીર પાણીમાં તરી રહ્યું છે. તે અનિતા સાજી થાય ત્યાં સુધી તેની સંભાળ રાખે છે. અનિતા સાજી થઈને ઘરે આવતાં વિભૂતિએ અન્ય સાથે સગાઈ કરી હોવાની જાણ થતાં જ આંચકો લાગે છે અને હૃદયભંગ થાય છે. વિભૂતિ સહિત બધા જ અનિતાને પાછી આવેલી જોઈને ખુશ છે, પરંતુ વિભૂતિની નવી ફિયાન્સી અને તેની માતા લગ્ન તોડવા માટે મોટી રકમ માગે છે.” શું વિભૂતિ પાછાં લગ્ન કરશે?