(જી.એન.એસ.)મુંબઈ,તા.૨૩
મોખરાની અભિનેત્રી શ્રીદેવીએ પ્રિયા આનંદ સાથે કામ કર્યું તો બેડ લક નીવડયું અને શ્રીદેવીનું અકાળ અવસાન થયું એવી ટ્‌વીટ કરનારા ટ્રોલને પ્રિયા આનંદે જડબાતોડ જવાબ આપ્યો હતો. એક ટ્રોલે એવી ટ્‌વીટ કરી હતી કે પ્રિયા આનંદ બેડલક સાથે લઇને આવે છે.
પહેલાં શ્રીદેવીએ એની સાથે ઇંગ્લીશ વીંગ્લીશ ફિલ્મ કરી તો શ્રીદેવીનું અકાળ અવસાન થયું. જે કે રિતેશે પ્રિયા આનંદ સાથે ફિલ્મ કરી તો એ પણ ઊકલી ગયો. આજે આ દુનિયામાં નથી. પ્રિયા ઘણા કલાકારો માટે અશુભ સહકલાકાર નીવડી છે. પ્રિયા સાથે કામ કરનારા દરેક કલાકારે જીંદગીથી હાથ ધોઇ નાખવા પડયા હતા.
આ ટ્‌વીટનો પ્રિયાએ એવો જડબાતોડ જવાબ આપ્યો કે પેલાએ માફી માગવી પડી. પ્રિયાએ કહ્યું કે તમે એટલી હદે નીચે ઊતરી ગયા છો કે તમને જવાબ આપીને મારે મારી જાતને તમારા જેટલી નીચી ઊતારવી નથી. એટલે હું તમારી આ સંવેદનહીન પ્રતિક્રિયાનો જવાબ નથી આપતી. પ્રિયાની સાથોસાથ પ્રિયાના કેટલાક ચાહકોએ પણ ટ્રોલ કરનારની આકરી ટીકા કરી હતી.