દીવાળી બાદ ભાજપ દ્વારા અલગ અલગ શહેરોમાં સ્નેહમિલન નું અયોજન કરવમાં આવી રહ્યું છે. આ સ્નેહમિલનનોમાં લોકસભાની ચૂંટણી ને ધ્યાને રાખવામાં આવી રહી છે. આજ રોજ વિધાનસભાના વિપક્ષ નેતા પરેશ ધાનાણીના ગઢમાં કેન્દ્રીય મંત્રી પુરુષોતમ રૂપાલાએ વિવાદાસ્પદ નિવેદન આપ્યું હતું. ભાજપના સ્નેહમિલન કાર્યક્રમમાં રૂપાલાએ કહ્યું કે, કામ કરવાથી લોકો મત નથી આપતા, મેં 1985નો બાકી રહેલો પાક વીમો 2001માં અપાવ્યો છતાં લોકોએ મને વિધાનસભાની ચૂંટણીમાં હરાવ્યો હતો.
ભાજપના સ્નેહમિલનમાં હજારોની સંખ્યામાં કાર્યકરો હાજર રહ્યા હતા જે દરમિયાન રૂપાલાએ આ નિવેદન આપતા કાર્યકરો ચોંકી ઉઠ્યા હતા. ઉલ્લેખનીય છે કે, વર્ષ 2001ની વિધાનસભા ચૂંટણીમાં વિપક્ષ નેતા પરેશ ધાનાણી એ જ પુરુષોત્તમ રૂપાલા ને હાર અપાવી હતી.