Tuesday, November 17, 2026
HomeGujaratAhmedabadપતિની કોર્ટમાં અરજી, ‘પત્નીને દાઢી-મૂછ ઉગે છે, છૂટાછેડા આપો’

પતિની કોર્ટમાં અરજી, ‘પત્નીને દાઢી-મૂછ ઉગે છે, છૂટાછેડા આપો’

Date:

Related stories

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

ઘણીવાર લોકો એવા વિચિત્ર કારણો દર્શાવી છૂટાછેડા માગતા હોય છે કે જેની કલ્પના પણ ન કરી શકાય. આવો જ એક કિસ્સો અમદાવાદની ફેમિલી કોર્ટમાં બન્યો હતો, જ્યાં પતિએ પોતાની પત્નીને મૂછ અને દાઢી ઉગતા હોવાનું કારણ આપી છૂટાછેડા માગ્યા એટલું જ નહીં, કોર્ટમાં પતિએ એવો પણ દાવો કર્યો કે તેની પત્નીનો અવાજ પુરુષ જેવો છેરુપેશ (બદલેલું નામ)ના લગ્ન રાજસ્થાનની રુપા (બદલેલું નામ) સાથે થયા હતા. જોકે, લગ્નના ખાસ્સા સમય બાદ રુપેશે વિચિત્ર કારણ આપી કોર્ટ સમક્ષ છૂટાછેડાની માગ કરી. પોતાની અરજીમાં રુપેશે જણાવ્યું હતું કે, તે જ્યારે રુપાને પહેલી વાર જોવા ગયો ત્યારે તેનો ચહેરો દુપટ્ટાથી ઢાંકેલો હોવાના કારણે તેને તે જોઈ નહોતો શક્યો. સામાજીક રિવાજોનું કારણ આપી રુપાના પરિવારજનોએ બંનેને એકલા મળવા પણ નહોતા દીધા.રુપેશે કોર્ટમાં એવો પણ દાવો કર્યો હતો કે, લગ્ન વખતે પણ રુપાનો ચહેરો ઘૂંઘટથી ઢાંકેલો હોવાના કારણે તેને તે જોઈ નહોતો શક્યો. લગ્ન પછી રુપા તેના ઘરે આવી ત્યારે ક્લિન શેવમાં હતી, અને મેક-અપ પણ કરતી હોવાના કારણે તેને કોઈ શંકા ન ગઈ. આખરે રુપા સાથે એક અઠવાડિયું રહી રુપેશ બહારગામ નોકરી પર ચાલ્યો ગયો હતો.આખરે રુપેશ અને રુપાએ જ્યારે જોડે રહેવાનું શરુ કર્યું, ત્યારે રુપાના ચહેરા પર તેને દાઢી અને મૂછ દેખાવા લાગ્યા હતા, રુપાનો અવાજ પણ પુરુષ જેવો ભારે હોવાનો તેને અહેસાસ થયો હતો. આ અંગે જ્યારે રુપેશે પોતાના સાસરિયાંને વાત કરી ત્યારે તેમણે કહ્યું કે, લગ્ન થઈ ગયા હોવાથી હવે રુપા સાથે જ રહેવું પડશે તેમ પણ રુપેશે કોર્ટને જણાવ્યું હતું.આખરે આ મામલે પોલીસ કેસ દાખલ થયો અને બંનેનું કાઉન્સેલિંગ પણ થયું, જોકે પતિ-પત્નીને એક કરવામાં સફળતા ન મળી. રુપેશે કોર્ટમાં છૂટાછેડાની અરજી કરી, જેમાં ઉપરોક્ત કારણો દર્શાવીને રુપા સાથે છૂટાછેડા કરાવવા કોર્ટને વિનંતી કરી હતી. જોકે, રુપાએ પણ કોર્ટમાં દાવો કર્યો કે, તેના પર મૂકાયેલા આક્ષેપ સદંતર ખોટા છે.રુપાના વકીલે કોર્ટને જણાવ્યું હતું કે, લગ્ન પહેલા રુપેશ અને રુપાની મુલાકાત કરાવાઈ હતી, અને તેણે જે પણ આક્ષેપ કર્યા તે સદંતર ખોટા અને પાયાવિહોણા છે. રુપાના વકીલ તરફથી એવો પણ દાવો કરવામાં આવ્યો કે, રુપેશના પરિવારજનો રુપાને શારીરિક અને માનસિક ત્રાસ આપે છે. રુપેશ દ્વારા દહેજ પણ માગવામાં આવ્યું હોવાનો રુપાએ આરોપ મૂક્યો હતો.બંને પક્ષોની દલીલ સાંભળ્યા બાદ કોર્ટે રુપેશની છૂટાછેડાની અરજી ફગાવી દેતા જણાવ્યું હતું કે, જે કારણો કોર્ટ સમક્ષ રજૂ કરાયા છે તેના પર છૂટાછેડા ન મળી શકે. કોર્ટે એમ પણ નોંધ્યું હતું કે, છૂટાછેડાની અરજી કર્યા બાદ રુપેશ કોર્ટમાં હાજર નહોતો રહેતો. બીજી તરફ, રુપાએ કોર્ટને એમ પણ કહ્યું હતું કે, તે રુપેશ સાથે રહેવા માટે તૈયાર છે. જો રુપેશ તેને રાખવા તૈયાર ન હોય તો તે મહિને 20,000 રુપિયા ભરણપોષણ ચૂકવે

માનવસેવાથી પશુસેવા સુધી : નારાયણ સેવા સંસ્થાને એનું અભિયાન...

ગાયો માટે કૃત્રિમ અંગો : નારાયણ સેવા સંસ્થાનની વિશિષ્ટ...

કલ્યાણ જ્વેલર્સે નવા ‘કલ્યાણ ભવ’ અભિયાન સાથે લગ્નના આશીર્વાદની...

અભિયાન ભારતીય લગ્નના ચમત્કારિક નજારાને જીવંત કરે છે, જેમાં...

સાંપ્રત સમયની અશાંતિ ની સમસ્યાનો ઉકેલ માત્ર ધર્મ અને...

સમાજની દરેક વ્યક્તિએ પોતપોતાની હેસિયત મુજબ તહેવાર ઉજવ્યાં,...

ખોડલધામ સમિતિ અને ભોજલરામ આશ્રમ દ્વારા ૨૦મીએ ભવ્ય તુલસી...

૧૪મીએ ચાંલ્લા વિધિમાં તુલસીજી-ઠાકોરજીને ૫ જોડી વસ્ત્રો અને દાગીના...

Subscribe

- Never miss a story with notifications

- Gain full access to our premium content

- Browse free from up to 5 devices at once

Latest stories