પશ્ચિમ રેલવેના અમદાવાદ મંડળે મે 2026 દરમિયાન વિવિધ વ્યાવસાયિક ક્ષેત્રોમાં ઉત્તમ કામગીરી દર્શાવી છે. આવક સર્જન, માલ પરિવહન, મુસાફર સુવિધાઓના વિસ્તરણ તેમજ બિન-ભાડા આવકના ક્ષેત્રોમાં મંડળે મહત્વપૂર્ણ સિદ્ધિઓ હાંસલ કરી છે. મંડળે આ મહિને અંદાજે ₹688 કરોડની કુલ આવક (Gross Revenue) પ્રાપ્ત કરી છે, જે ગયા વર્ષના મે 2025ની સરખામણીએ 7.01% વધુ છે.
આવકના મુખ્ય આંકડા:
• મુસાફર આવક (Passenger Revenue): 22.68%ના નોંધપાત્ર વધારા સાથે ₹144.95 કરોડ નોંધાઈ, જે ગયા વર્ષની મે મહિનાની ₹118.15 કરોડની આવકની સરખામણીએ ઘણી વધુ છે.
• અન્ય કોચિંગ આવક (Other Coaching Revenue): ગયા વર્ષની ₹16.47 કરોડની આવકમાંથી 52.40%નો વધારો નોંધાઈ ₹25.10 કરોડ સુધી પહોંચી છે.
• માલભાડા આવક (Goods Revenue): મે 2026 દરમિયાન ₹517.34 કરોડની આવક પ્રાપ્ત થઈ, જે ગયા વર્ષની ₹507.72 કરોડની સરખામણીએ અંદાજે 2% વધુ છે.
• મુસાફરોની સંખ્યા: પ્રારંભિક મુસાફરોની સંખ્યા (No. of Orig. Passengers) 12.67% વધીને 34.15 લાખ થઈ ગઈ છે
માલભાડા (Freight) ક્ષેત્રમાં ઐતિહાસિક રેકોર્ડ:
અમદાવાદ મંડળના અનેક મુખ્ય ટર્મિનલ્સ અને સાઇડિંગ્સે અત્યાર સુધીની પોતાની સર્વશ્રેષ્ઠ માસિક માલભાડા આવક નોંધાવી છે:
• દેશલપર (DSLP) ફ્રેટ ટર્મિનલ: અત્યાર સુધીની સર્વશ્રેષ્ઠ ₹13.40 કરોડની આવક હાંસલ કરી.
• ઇફ્કો (IFFCO) સાઇડિંગ, ખોડિયાર: ₹9.98 કરોડની રેકોર્ડ આવક નોંધાવી.
• સાનોસરા (SNSR) ફ્રેટ ટર્મિનલ: ₹10.75 કરોડની આવક સાથે અત્યાર સુધીનું પોતાનું સર્વોત્તમ પ્રદર્શન કર્યું.
• બેન્ટોનાઇટ લોડિંગ (Bentonite Loading): બેન્ટોનાઇટના લોડિંગ દ્વારા મંડળને ₹24.29 કરોડની ઐતિહાસિક માસિક આવક પ્રાપ્ત થઈ
બિઝનેસ ડેવલપમેન્ટ યુનિટ (BDU)ના વિશેષ પ્રયાસો:
મંડળની બિઝનેસ ડેવલપમેન્ટ યુનિટ (BDU) એ નવા ગ્રાહકો, નવા ગંતવ્યો અને નવી સામગ્રીને જોડીને આવક વધારવામાં મહત્વપૂર્ણ ભૂમિકા ભજવી છે:
• નવી સામગ્રી: આઈટીસી લિમિટેડ (ITC Limited) દ્વારા કંડલા પોર્ટથી પોલ્લાચી જંક્શન સુધી ‘સોયાબીન એક્સટ્રેક્શન અને ફ્લેક્સ’ની પ્રથમ મિની રેક લોડ કરવામાં આવી, જેના કારણે ₹42.06 લાખની વધારાની આવક પ્રાપ્ત થઈ.
• નવા ગ્રાહકો: મેસર્સ મેગ્નસ માઇન્સ એન્ડ મિનરલ્સ લિમિટેડ દ્વારા સાનોસરાથી ભૂષણ પાવર એન્ડ સ્ટીલ લિમિટેડની ખાનગી સાઇડિંગ સુધી બેન્ટોનાઇટની રેક મોકલવામાં આવી, જેના પરિણામે ₹1.07 કરોડની આવક ઉત્પન કરી.
• ઔદ્યોગિક મીઠું, બેન્ટોનાઇટ અને જૈવિક ખાતર જેવી સામગ્રીને દેશના વિવિધ વિભાગો (જેમ કે વડોદરા, ભાવનગર, સિકંદરાબાદ, કોટા, પુણે, જમ્મુ અને ખુર્દા રોડ)જેવા નવા ગંતવ્યો સુધી સફળતાપૂર્વક મોકલવામાં આવી.
નોન-ફેર રેવન્યુ (NFR) અને પાર્સલ ક્ષેત્રમાં નવીનતા:
• ગેમ ઝોન કરાર: મહેસાણા (MSH) સ્ટેશન પર 454 ચોરસ મીટર વિસ્તારમાં પાંચ વર્ષ માટે ‘ગેમ ઝોન’ના વિકાસ અને સંચાલન માટેનો ઈ-ઓક્શન કરાર સફળતાપૂર્વક ફાળવવામાં આવ્યો, જેના દ્વારા ₹44.25 લાખની આવક પ્રાપ્ત થશે.
• પાર્સલ ઈ-ઓક્શન: મે મહિનામાં યોજાયેલા ઈ-ઓક્શન દ્વારા 11 પાર્સલ સંપત્તિઓને ત્રણ વર્ષ માટે લીઝ પર આપવામાં આવી, જેના પરિણામે કુલ ₹20.08 કરોડની આવક મળવાની અપેક્ષા છે.
• મસાલાની પાર્સલ રેક: મહેસાણાથી અઝારા અને ઊંઝાથી મિર્ઝા માટે મસાલાની પ્રથમ પાર્સલ રેકો દોડાવવામાં આવી, જેના દ્વારા અનુક્રમે ₹24.79 લાખ અને ₹27.15 લાખની આવક પ્રાપ્ત થઈ.
યાત્રી સુવિધાઓના વિસ્તરણ તરફ મહત્વપૂર્ણ પગલાં
• ઉનાળાની રજાઓ દરમિયાન મુસાફરોની વધારાની માંગને પહોંચી વળવા માટે 33 વિશેષ ટ્રેન ફેરાઓનું સંચાલન કરવામાં આવ્યું તેમજ 43 વધારાના કોચ જોડવામાં આવ્યા.
• આ પ્રયાસોથી આશરે 0.55 લાખ મુસાફરોને સુવિધા મળી અને ₹6.79 કરોડની વધારાની મુસાફર આવક પ્રાપ્ત થઈ.
• ભુજ-દિલ્હી એક્સપ્રેસનો પ્રારંભ: 22 મે 2026ના રોજ માનનીય રેલ મંત્રી શ્રી અશ્વિની વૈષ્ણવ અને ગુજરાતના માનનીય મુખ્યમંત્રી શ્રી ભૂપેન્દ્રભાઈ પટેલે વિડિયો કોન્ફરન્સિંગ દ્વારા જાલોર-પાલી મારવાડ માર્ગે પ્રથમ વખત ‘ભુજ-દિલ્હી એક્સપ્રેસ’ને ભુજથી લીલી ઝંડી બતાવી રવાના કરી. આ સેવાથી કચ્છ અને દેશની રાજધાની વચ્ચેની કનેક્ટિવિટી વધુ મજબૂત બની છે.
• ટિકિટ ચેકિંગ અને સ્વચ્છતા અભિયાન: વગર ટિકિટ અને અનિયમિત મુસાફરી પર નિયંત્રણ લાવવા માટે વિવિધ સ્ટેશનો પર વિશેષ (Fortress) ચકાસણી અભિયાનો હાથ ધરવામાં આવ્યા, જેના પરિણામે મે મહિનામાં અંદાજે ₹3.00 કરોડની ટિકિટ ચેકિંગ આવક પ્રાપ્ત થવાની અપેક્ષા છે. ઉપરાંત, સ્ટેશનો પર ગંદકી ફેલાવનાર અને થૂંકનારાઓ સામે કડક કાર્યવાહી કરીને એન્ટી-લિટરિંગ કેસો હેઠળ ₹1.38 લાખનો દંડ વસૂલ કરવામાં આવ્યો.