બોલિવૂડ જગતમાંથી એક ચોંકાવનારા અહેવાલ સામે આવી રહ્યા છે. ‘મુન્ની’ તરીકે જાણીતી મલાઈકા અરોરાના પિતા અનિલ અરોરાએ છત પરથી કૂદીને આત્મહત્યા કરી લીધી છે. આ ઘટનાથી તેમનો પરિવાર શોકમાં ગરકાવ છે. એટલું જ નહીં, આ સમાચાર વાયુવેગે ફેલાઈ જતા ફિલ્મ ઉદ્યોગ પણ શોકમાં ગરકાવ છે. આ દરમિયાન મુંબઈ પોલીસે મલાઈકા અરોરાના ઘરે પહોંચીને તપાસ હાથ ધરી હતી. આ ઉપરાંત મલાઈકાનો એક્સ હસબન્ડ અરબાઝ ખાન પણ તેના ઘરે પહોંચી ગયો હતો. અરબાઝ ખાન અને મલાઈકા ઘરની બહાર પોલીસ અને અન્ય લોકો સાથે વાતચીત કરતા જોવા મળ્યા હતા.
આ ઘટના વખતે મલાઈકા પૂણેમાં હતી. આ આઘાતજનક સમાચાર મળતાં જ તે વહેલી સવારે મુંબઈ જવા રવાના થઈ હતી. બોલિવૂડ એક્ટ્રેસ મલાઇકા અરોરાના પિતા અનિલ અરોરાએ બુધવાર, 11 સપ્ટેમ્બરે સવારે નવ વાગ્યાની આસપાસ મુંબઈના બ્રાંદ્રા સ્થિત આયેશા મૈનાર બિલ્ડિંગના છઠ્ઠા માળેથી કૂદીને આત્મહત્યા કરી હતી. પોલીસે ઘટનાસ્થળે પહોંચી મૃતદેહને પોસ્ટમોર્ટમ માટે મોકલી આપ્યો હતો. મૃતદેહને બાબા હોસ્પિટલમાં રાખવામાં આવ્યો છે. પોલીસને પ્રાથમિક તપાસમાં કોઈ સુસાઈડ નોટ મળી નથી. મલાઈકાનો પૂર્વ પતિ અરબાઝ ખાન સૌ પહેલા ઘટનાસ્થળે પહોંચી ગયો હતો. જ્યારે મલાઈકાને તેના પિતાના નિધનના સમાચાર મળ્યા ત્યારે તે પુણેમાં હતી. હાલ એક્ટ્રેસ મુંબઈ પહોંચી ચૂકી છે. અર્જુન કપૂર પણ આવી ગયો હતો. આ ઉપરાંત અરબાઝની માતા સલમા ખાન, બહેન અલવીરા તથા નાનો ભાઈ સોહેલ ખાન, પિતા સલીમ ખાન પણ આવી ગયાં હતાં. મલાઇકાના નિકટના મિત્રો અદિતિ ગોવિત્રીકર, વિક્રમ ફડનીસ, રિતેશ સિધવાણી, શિબાની દાંડેકર, કિમ શર્મા, કરીના કપૂર-સૈફ અલી ખાન, અનન્યા પાંડે-ચંકી પાંડે પણ આવ્યાં હતાં.
Actress Malaika Arora's father Anil Arora committed suicide by jumping from the roof.
— Ankit Khanna (@ankit_khanna) September 11, 2024
Arbaaz Khan Reached At Malaika,S Mother House After Demise Of Malaika's Father#MalaikaArora #SemiConIndia2024 #Debate2024 pic.twitter.com/wDXI7EiBd5