વિછીયાના થોરીયાળી ગામે પિતાએ દુકાને બેઠેલા પુત્રને એરગનથી છ 10 છરા માર્યા

0
31
.news/SAU-RJK-HMU-NL-father-firing-on-son-for-life-maintenance-in-vichhiya-talukas-thoriyali-village-gujarati-new
.news/SAU-RJK-HMU-NL-father-firing-on-son-for-life-maintenance-in-vichhiya-talukas-thoriyali-village-gujarati-new

વિછીયા તાલુકાના થોરીયાળી ગામે પિતાએ પુત્ર ઉપર એરગનથી ફાયરિંગ કરી 10 છરા માર્યા છે. થોરીયાળી ગામના રહેવાસી એવા જીવાભાઈ રામાભાઈ રાજપરાએ ખાધા ખોરાકી મામલે પોતાના પુત્ર ઘનશ્યામ જીવાભાઈ રાજપરા જ્યારે કરિયાણાની દુકાન પર બેઠો હતો ત્યારે હુમલો કર્યો હતો. હાલ રાજકોટ સિવિલમાં સારવાર લઇ રહેલા ઘનશ્યામને પડખાના ભાગે ગોળી વાગીને નીકળી ગઈ છે. આ મામલે તેની પોલીસ પૂછપરછ પણ કરવામાં આવી હતી.તેણે હાલ પિતા વિરુદ્ધ કંઈપણ કહેવાની ના પાડી છે.

જાનથી મારી નાંખવાની અનેકવાર ઘમકી આપી

આ અંગે વિસ્તારથી વાત કરીએ તો કરિયાણાની દુકાન ચલાવતા ઘનશ્યામ રાજપરાને તેના પિતા ખાધા ખોરાકીના નામે રૂપિયા માંગતા હતા અને તેણે રૂપિયા ન આપ્યા તો અનેકવાર જાનથી મારી નાંખવાની ઘમકી પણ આપી હતી. હાલ ઈજાગ્રસ્ત ઘનશ્યામ રાજપરાને વિંછીયા સરકારી હોસ્પિટલમાંથી રાજકોટ સિવિલ હોસ્પિટલમાં ખસેડવામાં આવ્યા છે. આ હુમલાને પગલે વિછિયા પોલીસે આરોપી જીવાભાઇ રાજપરાની ધરપકડ કરી લીધી છે.
જીવાભાઈને સંતાનમાં ત્રણ પુત્ર છે અને ઘનશ્યામ વચલો પુત્ર છે