બોલિવૂડ એક્ટર રણવીર સિંહ પોતાની વિચિત્ર ફેશન માટે જાણીતો છે. હાલમાં જ રણવીર સિંહે એક ફોટોશૂટ કરાવ્યું હતું. આ ફોટોશૂટમાં રણવીર સિંહને જોઈને ચાહકોને પણ નવાઈ લાગી હતી.આ ફોટોશૂટમાં રણવીર સિંહે ગુચ્ચી બ્રાન્ડનો ટ્રેક સૂટ પહેર્યો હતો. બ્લૂ રંગના શાઇની ટ્રેક સૂટમાં રણવીર સિંહ કમાલનો લાગતો હતો. અનેક ચાહકોએ રણવીરની તુલના હોલિવૂડ સ્ટાર જેરેડ લેટો સાથે કરી હતી.રણવીર સિંહે જે બ્લૂ ટ્રેક સૂટ પહેર્યો છે, તેની કિંમત લાખોમાં છે. ગુચ્ચીની વેબસાઇટ પ્રમાણે, રણવીર સિંહના ટ્રેક પેન્ટની કિંમત 1980 ડોલર એટલે કે ભારતીય ચલણ પ્રમાણે 1,48,242.60 રૂપિયા છે. જ્યારે જર્સીની કિંમત 1650 ડોલર (ભારતીય રૂપિયા 1,23,535.50) છે. આ ટ્રેક સૂટની કુલ કિંમત 2,71,778.10 રૂપિયા છે.માત્ર ટ્રેક સૂટ જ નહીં, રણવીર સિંહે પહેરેલી કેપ પણ મોંઘી છે. આ કેપની કિંમત 530 ડોલર છે. ભારતીય ચલણ પ્રમાણે 39,588.08 રૂપિયા થાય છે.રણવીર ફોટોશૂટમાં લાંબા વાળમાં જોવા મળ્યો છે. રણવીરનો આ લુક ગુચ્ચીના ક્રિએટિવ ડિરેક્ટર એલેસેન્ડ્રો મિશેલને સમર્પિત છે. એલેસેન્ડ્રો લાંબા વાળને સપોર્ટ કરે છે. આ સ્પેશિયલ ફોટોશૂટ માટે રણવીરે સોનાનો હાર પહેર્યો છે. આ ઉપરાંત ગુચ્ચીના જેકી 1961 કલેક્શનમાંથી એક હેડબેગ પણ રણવીર સિંહે પકડી છે