લોક સભાની ચૂંટણીને હજુ થોડા મહિનાઓ જ થયા છે ત્યાં હવે પેટાચૂંટણીનો તબક્કો શરૂ થવાનો છે. આ વર્ષના અંત સુધીમાં દેશમાં 50 બેઠકો પર પેટાચૂંટણી યોજાવાની છે. આમાંથી ઘણી બેઠકો લોકસભાની છે અને મોટાભાગની વિધાનસભા બેઠકો પર મતદાન થવાનું છે. જે ધારાસભ્યો હવે સાંસદ બની ચૂક્યા છે અથવા બે બેઠકો પરથી લડવાને કારણે લોકસભાની એક બેઠક ખાલી કરી છે. એવું માનવામાં આવે છે કે આ બેઠકો પર મતદાન હરિયાણા, મહારાષ્ટ્ર, જમ્મુ-કાશ્મીર અને ઝારખંડ જેવા રાજ્યોમાં વિધાનસભા ચૂંટણીની સાથે થઈ શકે છે.
ખાલી કરાયેલી બેઠકો પર પણ મતદાન થશે :
માત્ર ઉત્તર પ્રદેશમાં જ 10 વિધાનસભા બેઠકો પર મતદાન થવાનું છે, જેમાંથી એક મૈનપુરી છે, જે અખિલેશ યાદવના રાજીનામાને કારણે ખાલી પડી છે. આ સિવાય મિલ્કીપુર અયોધ્યાના સાંસદ અવધેશ પ્રસાદની બેઠક પણ છે. અત્યાર સુધી તેઓ અહીંથી ધારાસભ્ય હતા. ગાઝિયાબાદ અને કુંડારકી જેવી સીટો પર પણ ચૂંટણી થવાની છે. તેમજ મધ્યપ્રદેશમાં પૂર્વ સીએમ શિવરાજ સિંહ ચૌહાણની વિધાનસભા બેઠક બુધનીમાં પણ ચૂંટણી યોજાશે. હવે તેઓ વિદિશા સીટથી સાંસદ બન્યા છે. કર્ણાટકમાં બસવરાજ બોમાઈ, એચડી કુમાર સ્વામી, બિહારમાં જીતન રામ માંઝી અને સિક્કિમમાં સીએમ પ્રેમ સિંહ તમાંગ દ્વારા ખાલી કરાયેલી બેઠકો પર પણ મતદાન થશે.
છેલ્લાં 6 વર્ષોમાં 132 રાજનેતાઓ મની લોન્ડરિંગના કેસમાં ફસાયા, સરકારની જ સંસદમાં ચોંકાવનારી ‘કબૂલાત’
બંગાળની 6 બેઠકો પર પણ મતદાન :
પેટાચૂંટણીમાં સૌથી વધુ બેઠકોમાં યુપી બાદ પશ્ચિમ બંગાળમાં 6 બેઠકો ખાલી છે. તેમજ આસામ અને રાજસ્થાનની 5-5 સીટો પર મતદાન થશે. બિહાર અને પંજાબમાં 4-4 સીટો પર પેટાચૂંટણી યોજાવાની છે. લોકસભામાં વિપક્ષના નેતા રાહુલ ગાંધી પણ રાયબરેલી અને વાયનાડ સીટ પરથી ચૂંટણી લડ્યા હતા. ચૂંટણી પછી, તેમણે રાયબરેલીથી સાંસદ રહેવાનું નક્કી કર્યું અને વાયનાડથી રાજીનામું આપ્યું. હવે તેમની બહેન પ્રિયંકા ગાંધી વાયનાડથી ચૂંટણી લડી રહી છે. નિયમો અનુસાર કોઈ પણ સીટ 6 મહિનાથી વધુ ખાલી રાખી શકાતી નથી. આવી સ્થિતિમાં નવેમ્બર સુધીમાં મોટાભાગની બેઠકો પર મતદાન થશે.