ભારત: મિડ-સાઇઝ મોટરસાઇકલ સેગમેન્ટ (250સીસી –750સીસી) માં વૈશ્વિક સ્તરે અગ્રેસર ‘રોયલ એનફીલ્ડ’ એ આજે નવી 2026 ક્લાસિક 350 ‘સિગ્નેચર વ્હાઇટ’ એડિશન લોન્ચ કરી છે.
દરેક રાઇડને વધુ સરળ અને સહજ બનાવવા માટે ડિઝાઇન કરાયેલી 2026 સિગ્નેચર વ્હાઇટ ક્લાસિક 350 માં રાઇડરને ધ્યાનમાં રાખીને અસંખ્ય આધુનિક ફિચર્સ ઉમેરવામાં આવ્યા છે:
• પ્રીમિયમ બ્રાઉન ટૂરિંગ સીટ્સ: રાઇડર અને પાછળ બેસનાર (પિલિયન) બંને માટે આરામદાયક બ્રાઉન સીટ્સ.
• આકર્ષક વિઝ્યુઅલ ટ્રીટમેન્ટ: સાઇડ પેનલ પર નવું ક્લાસિક લોગો યુનિટ, ફ્યુઅલ ટેન્ક પર સ્ટેન્સિલ-સ્ટાઇલ ડીકેલ (સ્ટીકર) અને બંને બાજુ RE નો બેજ.
• એસિસ્ટ એન્ડ સ્લિપર ક્લચ: એડજસ્ટેબલ ક્લચ અને બ્રેક લીવર સાથે આવે છે, જે સિટી ટ્રાફિક અને લાંબા અંતરની રાઇડ દરમિયાન ક્લચના ઉપયોગને ઘણો હળવો, સરળ અને આરામદાયક બનાવે છે.
• USB ટાઇપ-સી ફાસ્ટ ચાર્જિંગ પોર્ટ અને ટ્રીપર પોડ (Tripper Pod): મુસાફરી દરમિયાન સ્માર્ટફોન ચાર્જ કરવા માટે ટાઇપ-સી પોર્ટ અને વળાંક-દર-વળાંક નેવિગેશન માટે ટ્રીપર પોડ સ્ટાન્ડર્ડ ફિચર તરીકે આપેલ છે.
આ ક્લાસિક 350 સિગ્નેચર વ્હાઇટ મોડલને ‘એમરાલ્ડ ગ્રીન એડિશન’ ની સાથે ક્લાસિક 350 ના ટોપ-એન્ડ વેરિઅન્ટ તરીકે રજૂ કરવામાં આવ્યું છે. તે આજથી જ રોયલ એનફીલ્ડના તમામ અધિકૃત શોરૂમ પર ઉપલબ્ધ થશે, જેની શરૂઆતી કિંમત રૂ.2,24,275 (એક્સ-શોરૂમ, ચેન્નઈ) રાખવામાં આવી છે.
વર્ષ 2008 માં રજૂ થયા પછી, રોયલ એનફીલ્ડ ક્લાસિક 350 ક્લાસિક ઓટોમોટિવ ડિઝાઇનની એક અમર ઓળખ બની ગઈ છે, જે જૂના સમયના આકર્ષણ અને આધુનિક એન્જિનિયરિંગનો ઉત્તમ સમન્વય છે. તેનો ટાઇમલેસ લુક, આગવી પ્રોપોશન અને અજોડ શૈલી રોયલ એનફીલ્ડના ડીએનએ નો અભિન્ન ભાગ બની ગયા છે અને પેઢીઓથી રાઇડર્સની પહેલી પસંદ રહ્યા છે.