મુંબઇ,તા. ૨૪
રણબીર કપુર સાથેની ફિલ્મ શમશેરાને પડતી મુકવામાં આવી હોવાના હેવાલને રદિયો મળ્યા બાદ હવે વાણી કપુર પાસે બે ફિલ્મો આવી ગઇ છે. હજુ સુધી એવી ચર્ચા હતી કે શમશેરાને પડતી મુકવામાં આવનાર છે. જા કે હવે આ ફિલ્મને આગળ વધારી દેવાનો નિર્ણય કરવામાં આવ્યો છે. ફિલ્મમાં વાણી કપુર અને રણબીર કપુર રહેશે. આની સાથે જ સેક્સી સ્ટાર વાણી કપુર પાસે બે મોટા પ્રોજેક્ટ આવી ગયા છે. જે પૈકી એકમાં તે રણબીર કપુર સાથે નજરે પડનાર છે. જ્યારે અન્યમાં રિતિક રોશન અને ટાઇગર શ્રોફ સાથે નજરે પડનાર છે. હવે બોલિવુડના સુપરસ્ટાર પૈકી એક એવા રિતિક રોશન સાથે ફિલ્મ મળતા ભારે ખુશ દેખાઇ રહી છે. તેની કેરિયરમાં તેજી આવવાના સંકેત પણ દેખાઇ રહ્યા છે. વાણી કપુર અને રિતિક રોશનની સાથે આ ફિલ્મમાં ટાઇગર શ્રોફ પણ કામ કરી રહ્યો છે. ધ વોર નામની ફિલ્મમાં દિલધડક એક્શન સીન રાખવામાં આવ્યા છે. વાણી કપુરને હાલમાં ફિલ્મો હાથ લાગી રહી ન હતી. જા કે હવે તેની પાસે ફિલ્મો આવી ગઇ છે. તે કેટલીક ફિલ્મોમાં કામ કરી રહી છે. તે ચર્ચામાં રહેવા માટે તમામ પ્રયાસો કરી રહી છે. નિર્માતા નિર્દેશકોનુ ધ્યાન દોરવાના તેના પ્રયાસો સફળ થઇ શકે છે. તે વધારે બોલ્ડ અને સેક્સી ફોટો પણ રજૂ કરી રહી છે. તે મોટા સ્ટાર સાથે કામ કરવાનુ સપનુ ધરાવે છે. બોલિવુડની ફિલ્મોમાં ટકી રહેવા માટે તે વધારે સ્લીમ દેખાવવા માટે પ્રયાસ કરી રહી છે. આગામી દિવસોમાં મોટા અભિનેતાઓ સાથે કામ કરવાની તક મળી જશે તેવો આશાવાદ તે ધરાવે છે. બેફિક્રેમાં નજરે પડેલી અભિનેત્રીએ બોલિવુડના ટોપ સ્ટાર સાથે કામ કરવાની ઇચ્છા પણ વ્યક્ત કરી છે. એક કાર્યક્રમમાં વાણી કપૂરે આ મુજબની વાત કરી છે.