આ અધિગ્રહણથી મુંબઈમાં કંપનીની હાજરી વધુ મજબૂત બનશે; સંયુક્ત AUM લગભગ ₹9,000 કરોડ સુધી પહોંચશે
અમદાવાદ, 2 જુલાઈ 2026: અમદાવાદ મુખ્યાલય ધરાવતી વેલ્થ ફર્સ્ટ પોર્ટફોલિયો મેનેજર્સ લિમિટેડ (NSE/BSE: WEALTH), જે ભારતની પ્રથમ લિસ્ટેડ ઇન્ડિપેન્ડન્ટ ફાઇનાન્શિયલ એડવાઇઝર (IFA) કંપની છે, તેણે આજે મુંબઈ સ્થિત વેલ્થ મેનેજમેન્ટ અને ડિસ્ટ્રિબ્યુશન કંપની વેલ્થ ફર્સ્ટ એડવાઇઝર્સ પ્રા. લિ. (WFAPL)નું 100 ટકા અધિગ્રહણ ₹102.15 કરોડના ઇક્વિટી મૂલ્યાંકન પર કરવાની જાહેરાત કરી છે.
આ અધિગ્રહણ વેલ્થ ફર્સ્ટ માટે એક મહત્વપૂર્ણ સીમાચિહ્ન સમાન છે. ગુજરાતમાં જન્મેલી કંપની હવે દેશવ્યાપી નાણાકીય સેવા સંસ્થા તરીકે આગળ વધી રહી છે. આ સોદા દ્વારા કંપનીને ભારતના સૌથી મોટા વેલ્થ મેનેજમેન્ટ માર્કેટ મુંબઈમાં મજબૂત હાજરી મળશે અને સંયુક્ત એસેટ્સ અન્ડર મેનેજમેન્ટ (AUM) લગભગ ₹9,000 કરોડ સુધી પહોંચશે.
આ વર્ષની શરૂઆતમાં વેલ્થ ફર્સ્ટે લક્ષ્ય એસેટ મેનેજમેન્ટ (Lakshya Asset Management)ને સ્પોન્સર કરીને એસેટ મેનેજમેન્ટ ક્ષેત્રમાં પ્રવેશ કર્યો હતો. આ પહેલ બાદ હવે WFAPLનું અધિગ્રહણ કંપનીના એડવાઇઝરી અને ડિસ્ટ્રિબ્યુશન વ્યવસાયને વધુ મજબૂત બનાવશે.
કરાર મુજબ, જરૂરી દસ્તાવેજોની પ્રક્રિયા પૂર્ણ થયા બાદ પ્રથમ તબક્કામાં વેલ્થ ફર્સ્ટ WFAPLમાં 51 ટકા હિસ્સો આંતરિક ભંડોળ અને શેર સ્વેપ દ્વારા હસ્તગત કરશે. બાકીના 49 ટકા હિસ્સાનું અધિગ્રહણ 31 માર્ચ, 2029ના મૂલ્યાંકનના આધારે ભવિષ્યમાં સંપૂર્ણપણે શેર સ્વેપ દ્વારા કરવામાં આવશે.
મહારાષ્ટ્ર દેશમાં મ્યુચ્યુઅલ ફંડ ઉદ્યોગની લગભગ 40 ટકા સંપત્તિનું પ્રતિનિધિત્વ કરે છે. તેથી મુંબઈ દેશના સૌથી મહત્વપૂર્ણ વેલ્થ મેનેજમેન્ટ કેન્દ્રોમાંનું એક છે. આ અધિગ્રહણથી વેલ્થ ફર્સ્ટને આ વ્યૂહાત્મક બજારમાં વધુ મજબૂત હાજરી મળશે તેમજ દેશવ્યાપી વિસ્તરણને વેગ મળશે.
સંયુક્ત સંસ્થાએ આગામી પાંચ વર્ષમાં પોતાનું AUM વધારીને લગભગ ₹20,000 કરોડ સુધી પહોંચાડવાનો તથા ભારતની અગ્રણી સ્વતંત્ર વેલ્થ અને એસેટ મેનેજમેન્ટ કંપનીઓમાં સ્થાન મેળવવાનો લક્ષ્ય નક્કી કર્યો છે. છેલ્લા ત્રણ દાયકાથી વેલ્થ ફર્સ્ટે ઓર્ગેનિક ગ્રોથ અને ઉદ્યોગસાહસિક ભાગીદારીના આધારે પોતાની ઓળખ ઉભી કરી છે. અમદાવાદથી શરૂ થયેલી કંપનીનું પુણે, સુરત અને હવે મુંબઈ સુધીનું વિસ્તરણ તેના લાંબા ગાળાના વિઝનને પ્રતિબિંબિત કરે છે.
આ પ્રસંગે વેલ્થ ફર્સ્ટ પોર્ટફોલિયો મેનેજર્સ લિમિટેડના ચેરમેન અને મેનેજિંગ ડિરેક્ટર આશિષ શાહે જણાવ્યું: અમારી સફરના દરેક મહત્વપૂર્ણ પડાવ પાછળ લોકોનો વિશ્વાસ રહ્યો છે. અમે માત્ર મુંબઈમાં ઓફિસ શોધી નહોતી, પરંતુ એવી ટીમ સાથે જોડાયા છીએ જેના મૂલ્યો અને ક્લાયન્ટ પ્રત્યેની પ્રતિબદ્ધતા અમારી વિચારસરણી સાથે સંપૂર્ણ રીતે મેળ ખાતી હતી. આ વર્ષે અમે એસેટ મેનેજમેન્ટ ક્ષેત્રમાં પ્રવેશ કર્યો અને હવે અમારી એડવાઇઝરી ક્ષમતાને વધુ મજબૂત બનાવી રહ્યા છીએ. આ અધિગ્રહણ પછી અમારું સંયુક્ત AUM લગભગ ₹9,000 કરોડ થશે. આગામી પાંચ વર્ષમાં તેને વધારીને લગભગ ₹20,000 કરોડ સુધી પહોંચાડવાનો અને ભારતની અગ્રણી સ્વતંત્ર વેલ્થ તથા એસેટ મેનેજમેન્ટ કંપનીઓમાં સ્થાન મેળવવાનો અમારો સંકલ્પ છે.”
આ બંને પહેલો દ્વારા વેલ્થ ફર્સ્ટ નાણાકીય સેવાઓની સમગ્ર વેલ્યુ ચેઇનમાં પોતાની હાજરીને વધુ મજબૂત બનાવી રહી છે.
ભારતમાં વેલ્થ મેનેજમેન્ટ ઉદ્યોગ ઝડપથી વિકાસ પામી રહ્યો છે. ઉદ્યોગના અંદાજ મુજબ ઘરેલુ બચતના વધતા નાણાકીયકરણ, મૂડીબજારમાં વધતી ભાગીદારી, ઉચ્ચ આવક ધરાવતા તથા હાઇ નેટવર્થ રોકાણકારોની વધતી સંખ્યા અને પેઢીગત સંપત્તિના હસ્તાંતરણને કારણે વર્ષ 2030 સુધી ભારતનો એસેટ અને વેલ્થ મેનેજમેન્ટ ઉદ્યોગ લગભગ બમણો થઈ US$1.7 ટ્રિલિયન સુધી પહોંચવાની શક્યતા છે.
વેલ્થ ફર્સ્ટ પોર્ટફોલિયો મેનેજર્સ લિમિટેડ વિશે
About વેલ્થ ફર્સ્ટ પોર્ટફોલિયો મેનેજર્સ લિમિટેડ (NSE/BSE: WEALTH) ભારતની પ્રથમ લિસ્ટેડ ઇન્ડિપેન્ડન્ટ ફાઇનાન્શિયલ એડવાઇઝર (IFA) કંપની છે. અમદાવાદ મુખ્યાલય ધરાવતી આ કંપનીએ છેલ્લા ત્રણ દાયકામાં સલાહ આધારિત ગ્રાહક સંબંધો, ઓર્ગેનિક વિકાસ અને વ્યૂહાત્મક ભાગીદારી દ્વારા પોતાની આગવી ઓળખ ઉભી કરી છે. આજે કંપની વેલ્થ મેનેજમેન્ટ, ડિસ્ટ્રિબ્યુશન અને એસેટ મેનેજમેન્ટ સહિત વ્યાપક નાણાકીય સેવાઓ પૂરી પાડે છે અને ભારતની અગ્રણી સ્વતંત્ર નાણાકીય સેવા સંસ્થાઓમાં સ્થાન મેળવવા તરફ સતત આગળ વધી રહી છે.