યુરો પ્રતીક સેલ્સ લિમિટેડે તેના પ્રારંભિક જાહેર ઓફર માટે રૂ. 1/- મૂળ કિંમતના દરેક ઇક્વિટી શૅર માટે રૂ. 235/- થી રૂ. 247/- ની કિંમત બેન્ડ નક્કી કરાઈ છે. કંપનીની પ્રારંભિક જાહેર ઓફર (“IPO” અથવા “ઓફર”) મંગળવાર, 16 સપ્ટેમ્બર, 2025 ના રોજ સબ્સ્ક્રિપ્શન માટે ખૂલશે અને ગુરુવાર, 18 સપ્ટેમ્બર, 2025 ના રોજ બંધ થશે. રોકાણકારો ઓછામાં ઓછા 60 ઇક્વિટી શેર માટે અને ત્યારબાદ 60 ઇક્વિટી શેરના ગુણાંકમાં બોલી લગાવી શકે છે. IPO સંપૂર્ણપણે પ્રમોટર અને પ્રમોટર ગ્રુપ સેલિંગ શેરધારકો દ્વારા રૂ. 451.32 કરોડ સુધીની વેચાણ માટેની ઓફરનો છે. તેમાં કર્મચારી અનામત ભાગમાં અરજી કરનારા લાયક કર્મચારીઓ માટે અનામતનો સમાવેશ થાય છે. યુરો પ્રતીક સેલ્સ લિમિટેડની સ્થાપના 19 જાન્યુઆરી, 2010 ના રોજ કરવામાં આવી હતી, મુંબઈમાં મુખ્ય મથક ધરાવતી કંપની એસેટ-લાઇટ બિઝનેસ મોડેલ પર કાર્ય કરે છે, જે ઉત્પાદન ડિઝાઇન અને વિકાસ પર મજબૂત ધ્યાન કેન્દ્રિત કરે છે. 31 માર્ચ, 2025ના રોજ 30 થી વધુ ઉત્પાદન જાતો (સ્ત્રોત: ટેક્નોપેક રિપોર્ટ) અને 113 કેટલોગ (ઉત્પાદનો અને ડિઝાઇનનું સંયોજન શામેલ છે) ના 30000થી વધુ ડિઝાઇનના પોર્ટફોલિયો સાથે, છેલ્લા ચાર વર્ષમાં લોન્ચ કરાયેલ યુરો પ્રતીક ઉદ્યોગમાં એક ઝડપી ફેશન બ્રાન્ડ તરીકે કાર્ય કરે છે. કંપનીના ઉત્પાદનો 31 માર્ચ, 2025ના રોજ ભારતના 116 શહેરોમાં સુસ્થાપિત અને વ્યાપક નેટવર્ક દ્વારા વિતરિત કરવામાં આવે છે. કંપનીના માર્કેટિંગ પ્રયાસોને સહાય કરવા માટે, તેણે પ્રખ્યાત સેલિબ્રિટીઝ રિતિક રોશન અને કરીના કપૂર ખાન સાથે અનુક્રમે તેના “યુરો પ્રતીક” અને “ગ્લોઇરિયો” બ્રાન્ડ્સ માટે બ્રાન્ડ એમ્બેસેડર તરીકે ભાગીદારી કરી છે. ટેકનોપેક રિપોર્ટ અનુસાર, કંપની વોલપેપર ઉત્પાદનો અને પ્રીમિયમ વોલ પેઇન્ટ જેવા પરંપરાગત દિવાલ સજાવટ માટે ટકાઉ અને પર્યાવરણને અનુકૂળ વિકલ્પો પૂરા પાડે છે. ટેકનોપેક રિપોર્ટ મુજબ, 31 માર્ચ, 2025 સુધીમાં, તેનું વિતરણ નેટવર્ક ભારતના 116 શહેરોમાં ફેલાયેલું છે, જેમાં 180 વિતરકો ભારતના 25 રાજ્યો અને પાંચ કેન્દ્રશાસિત પ્રદેશોમાં કાર્યરત છે.