ફ્રેન્કલિન ટેમ્પલટન મ્યુચ્યુઅલ ફંડ રૂ. 1,000 કરોડની એસેટ અંડર મેનેજમેન્ટ (એયુએમ)ના મહત્વના સીમાચિહ્ન ઉપરાંત તેની ફ્લેગશિપ ઇન્કમ-ઓરિએન્ટેડ સ્કીમ ફ્રેન્કલિન ઈન્ડિયા કોર્પોરેટ ડેટ ફંડની 28મી વર્ષગાંઠની ઉજવણી કરે છે. જુલાઈ, 2025ના અંતે હાઇ-રેટેડ કોર્પોરેટ બોન્ડ્સ પર ધ્યાન આપતા આ ફંડે 1997માં પ્રારંભ થયો ત્યારથી 8.56 ટકાનું કમ્પાઉન્ડેડ એન્યુઅલાઇઝ્ડ રિટર્ન આપ્યું છે. ફ્રેન્કલિન ઈન્ડિયા કોર્પોરેટ ડેટ ફંડ ખાનગી ક્ષેત્રના મ્યુચ્યુઅલ ફંડ ઉદ્યોગની સૌથી લાંબો સમય સુધી ચાલેલી ફિક્સ્ડ ઇન્કમ સ્કીમ્સ પૈકીનું એક છે.ફ્રેન્કલિન ટેમ્પલટન એસેટ મેનેજમેન્ટ (ઈન્ડિયા)ના ફિક્સ્ડ ઇન્કમના સીઆઈઓ રાહુલ ગોસ્વામીએ આ સીમાચિહ્ન અંગે જણાવ્યું હતુ કે ફ્રેન્કલિન ટેમ્પલટન કોર્પોરેટ ડેટ ફંડ અમારી ઇન્વેસ્ટમેન્ટ ફિલોસોફી અને અમારા બ્રાન્ડ વચન – શિસ્તબદ્ધ રીતે, જોખમ અંગે જાગૃત ફિક્સ્ડ ઇન્કમ મેનેજમેન્ટ થકી બચતકર્તાઓને વધુ સારા વળતર સુધી પહોંચવામાં મદદ કરવી – ની મજબૂત અસરનું ઉદાહરણ રજૂ કરે છે.ફડની વ્યૂહરચના મુખ્યત્વે AAA રેટેડ અને ઉચ્ચ ગુણવત્તાવાળા કોર્પોરેટ ડેટમાં રોકાણ કરવામાં રહેલી છે અને તે 1-3 વર્ષના રોકાણનો સમયગાળો ઇચ્છતા રૂઢિચુસ્ત રોકાણકારો માટે યોગ્ય છે.આ સ્કીમ અનુજ તાગરા, ચાંદની ગુપ્તા અને રાહુલ ગોસ્વામી દ્વારા મેનેજ્ડ છે અને તે 31 જુલાઈ, 2025ના રોજ કોર્પોરેટ બોન્ડ્સમાં 52 ટકા, જાહેર ક્ષેત્રના બોન્ડ્સમાં 32 ટકા અને સરકારી જામીનગીરીઓમાં 8 ટકાનો વૈવિધ્યસભર પોર્ટફોલિયો ધરાવે છે. લગભગ 2.6 વર્ષના મેકૌલે અવધિ સાથે ફંડ વ્યાજ દરના જોખમને મેનેજ કરવા માટે રૂઢિચુસ્ત રીતે સ્થિત છે. કોર્પોરેટ બોન્ડ્સ સામાન્ય રીતે આ જ સમયગાળો ધરાવતી સરકારી જામીનગીરીઓ કરતાં વધુ વળતર આપતા હોય છે. આનાથી સ્કીમમાં રહેલા રોકાણકારોને આ વધારાની ઉચ્ચ સુરક્ષા અને ઉચ્ચ સુરક્ષા ધરાવતા કોર્પોરેટ બોન્ડ્સનો લાભ થાય છે.