સ્ટાર પ્લસ પર (Star plus) આવતી સીરિયલ ગૂમ હૈ કિસી કી પ્યાર મેં માં પાખી) અને વિરાટનો રોલ કરનારી મુખ્ય અભિનેતાએ આ શોમાં પોતાનો પ્રેમ પૂરો નથી કર્યો અને અલગ થઇ અને અન્ય સાથે લગ્ન કરી લીધા છે. પરંતુ રીઅલ લાઇફમાં વિરાટે પાખીને પોતાની બનાવી લીધી છે. હા, વિરાટનો રોલ કરનારી
અભિનેતા નીલ ભટ્ટે પાખી એટલે કે ઐશ્વર્યા શર્મા સાથે પોતાનો સંબંધ જાહેર કર્યો છે. બંનેએ તેમની રોકા સેરેમનીની વિધિની તસવીરો સોશિયલ મીડિયા પર શેર કરી છે.ઐશ્વર્યા અને નીલ બંનેએ આ રોકા સમારોહની તસવીરો શેર કરી છે, જેમાં તે ખૂબ જ ખુશ લાગી રહ્યા છે. આ સીરિયલમાં ઐશ્વર્યા પાખીનું પાત્ર ભજવી રહી છે, જેને વિરાટ પસંદ છે પરંતુ તેણે વિરાટના મોટા ભાઈ સમ્રાટ સાથે લગ્ન કર્યા છે.
તે જ સમયે, વિરાટે સઇ નામની છોકરી સાથે લગ્ન કર્યા છે. નીલ અને ઐશ્વર્યા તેમની રોકા સેરેમનીની તસવીરોમાં ઓલિવ ગ્રીન કલરના ડ્રેસમાં જોવા મળી રહ્યા છે. તે બંનેના ડ્રેસનો રંગ સરખો છે. ઐશ્વર્યા ફ્લોરલ શારારામાં જોવા મળી રહી છે, જ્યારે નીલ એક જ રંગના કુર્તા-પાયજામામાં જોવા મળી રહ્યો છે. નીલ અને ઐશ્વર્યા બંને આ શોના સેટ પર જ એકબીજાના પ્રેમમાં પડી ગયા હતા. આ બંને પોતાના પ્રેમને એક નામ આપ્યું છે.
