યુવા બાંગ્લાદેશી કાર્યકર્તા ઉસ્માન હાદીના મૃત્યુ બાદ બાંગ્લાદેશમાં હિંસા ફાટી નીકળી છે, તેમના સમર્થકો રસ્તાઓ પર ઉતરી આવ્યા હતા અને અનેક ઇમારતોને આગ લગાવી દીધી હતી. તેમના મૃત્યુ બાદ, ટોળાએ આખી રાત તોડફોડ કરી હતી, ખાસ કરીને મીડિયા અને પત્રકારોને નિશાન બનાવ્યા હતા.
ઢાકાના બિજોયનગર વિસ્તારમાં ચૂંટણી પ્રચાર કરતી વખતે મોટરસાયકલ પર આવેલા માસ્ક પહેરેલા હુમલાખોરો દ્વારા 32 વર્ષીય હાદીના માથામાં ગોળી મારી દેવામાં આવી હતી. જણાવી દઈએ કે, પૂર્વી ભારતના ભાગોને સમાવિષ્ટ “ગ્રેટર બાંગ્લાદેશ” નો વિવાદાસ્પદ ફેસબુક નકશો પોસ્ટ કર્યો હતો. જે બાદ 12 ડિસેમ્બરે તેમના પર હુમલો કરવામાં આવ્યો હતો. જેના કારણે લોકો આ હુમલાને ભારત સાથે જોડવા લાગ્યા હતા.સિંગાપોરમાં સારવાર દરમિયાન શેખ મુજીબુર રહેમાનના મૃત્યુ બાદ, એક ટોળાએ શેખ મુજીબુર રહેમાનના ઘરમાં તોડફોડ કરી હતી. આ બાદ, પ્રથમ આલો અને ધ ડેઇલી સ્ટાર અખબારોની ઓફિસોને આગ લગાવી દીધી અને લૂંટફાટ પણ કરવામાં આવી હતી. ઘણા પત્રકારો પર હુમલો થયાના અહેવાલો પણ છે. જણાવી દઈએ કે, ન્યૂ એજના સંપાદક નુરુલ કબીર પર જીવલેણ હુમલો કર્યો હતો. આ ઉપરાંત, ડેઇલી સ્ટારના 30 થી વધુ કર્મચારીઓને સેના દ્વારા ઇમારતની છત પરથી બચાવી લેવામાં આવ્યા હતા.