ગાંધીનગર ખાતે આવેલી કે. બી. રાવલ કૉલેજ ઓફ ફાર્મસી ખાતે ગણેશ મહોત્સવ 2025 નું ભવ્ય આયોજન ૨ થી ૪ સપ્ટેમ્બર દરમિયાન કરવામાં આવ્યું હતું.
ઉજવણીની શરૂઆત ઢોલના તાલ સાથે ગણેશ સ્થાપનાથી કરવામાં આવી હતી. આ ત્રિદિવસીય મહોત્સવ દરમિયાન ગણેશ વંદના, પેઇન્ટિંગ સ્પર્ધા, થાળી ડેકોરેશન, સેલ્ફી બુથ મેકિંગ અને ફેન્સી ડ્રેસ સ્પર્ધા જેવી વિવિધતાસભર પ્રવૃત્તિઓનું આયોજન થયું.
વિદ્યાર્થીઓ અને સ્ટાફ સભ્યોએ ઉત્સાહપૂર્વક ભાગ લઇ ઉજવણીને ભક્તિમય અને યાદગાર બનાવી હતી. કાર્યક્રમનું સમાપન ગણેશ વિસર્જન દ્વારા કરવામાં આવ્યો હતો.