અમેરિકાના રાષ્ટ્રપતિ ડોનાલ્ડ ટ્રમ્પે અમેરિકાની બહાર બનતી ફિલ્મો પર 100 ટકા ટેરિફ લાદવાનો નિર્ણય લીધો છે. ટ્રમ્પનો આ નિર્ણય દુનિયાની બધી ફિલ્મોને અસર કરવાનો છે. પરંતુ આની અસર ભારતની ફિલ્મો જે અમેરિકામાં રિલીઝ થશે તેના ઉપર પણ જોવા મળશે. આ નિર્ણય ખરેખરમાં ભારતીય ફિલ્મો માટે એક ઝટકો સાબિત થઈ શકે છે. ફિલ્મોની કમાણી, ટિકિટની કિંમત અને અમેરિકામાં રહેનારા ભારતીયો માટે ફિલ્મ જોવી મોંઘી બની શકે છે. સરળ ભાષામાં સમજીએ તો જો કોઈ ફિલ્મ અમેરિકામાં દેખાડવા માટે 5 કરોડમાં ખરીદવામાં આવે છે તો ટેરિફને કારણે તે 10 કરોડની બની શકે છે. આવો જાણીએ ભારતીય ફિલ્મો પર આની શું અસર પડશે.
ડોનાલ્ડ ટ્રમ્પે ટ્રૂથ સોશિયલ મીડિયા પર પોસ્ટ કરીને કહ્યું કે અમેરિકાની બહાર બનતી ફિલ્મો પર 100 ટકા ટેરિફ લગાવવામાં આવશે. તેમણે લખ્યું કે અમારી ફિલ્મ ઈન્ડસ્ટ્રીને બીજા દેશોએ ચોરી લીધી છે. જેવી રીતે બાળક પાસેથી ચોકલેટ ચોરી હોય. આ નિર્ણય ભારતીય ફિલ્મો પર અસર નાખશે કારણકે ભારતીય ફિલ્મો અમેરિકામાં જોવી મોંઘી થશે. શાહરૂખ ખાનની ફિલ્મ જવાન, પ્રભાસની બાહુબલી, રણબીરની એનિમલ જેવી ફિલ્મોએ અમેરિકાના બજારમાં સારો ફાયદો થયો હતો. અમેરિકામાં હવે ભારતીય ફિલ્મો વેચવી કે ખરીદવાની કિંમત બમણી થશે. જેના કારણે ડિસ્ટ્રીબ્યૂટરને નુકસાન થશે. જો પ્રોડ્યુસર કે થિયેટરોના માલિક ટેરિફનો ભાર ગ્રાહકો પર નાખશે તો ટિકિટ મોંઘી થશે. અત્યારે અમેરિકામાં ટિકિટનો ભાવ 10 થી 15 ડોલર છે. જે 20-30 ડોલર સુધી પહોંચી જશે. માત્ર થિયેટર જ નહીં ડિજિટલ પ્લેટફોર્મ, સેટેલાઈટ બ્રોડકાસ્ટ અને અન્ય અમેરિકી બિઝનેસને પણ અસર થશે. જેના કારણે અમેરિકામાં રહેતી ભારતીયો માટે કન્ટેન્ટ મોંઘો થઈ જશે.