વેદાંત ગ્રુપ દ્વારા આયોજિત અને FICCI FLO અમદાવાદ ના સહયોગથી STEM અને રોબોટિક્સ લેબ નો ભવ્ય ઉદ્ઘાટન કરવામાં આવ્યું. આ પહેલનો હેતુ વિદ્યાર્થીઓમાં વૈજ્ઞાનિક દ્રષ્ટિકોણ, સર્જનાત્મકતા અને ટેક્નોલોજી પ્રત્યે રસ જગાડવાનો છે જેથી તેઓ ભવિષ્યમાં નવીનતા અને નેતૃત્વમાં આગળ વધી શકે. આ ઉદ્ઘાટન સમારંભમાં શ્રીમતી રુત્વિ વ્યાસ, ડિરેક્ટર – વેદાંત ગ્રુપ, અને શ્રીમતી મધુ બાંઠિયા, અધ્યક્ષ – FICCI FLO અમદાવાદ, વિશેષ ઉપસ્થિત રહ્યા હતા. શ્રીમતી રુત્વિ વ્યાસ એ પોતાના સંબોધનમાં કહ્યું “વેદાંત ગ્રુપનું મિશન છે ‘શિક્ષણ દ્વારા બાળકોને ભવિષ્ય માટે સશક્ત બનાવવું, જેમાં મૂલ્યો, જ્ઞાન અને કુશળતાનો સરસ મિશ્રણ હોય.’ STEM અને રોબોટિક્સ લેબ વિદ્યાર્થીઓમાં ક્રિટિકલ થિંકિંગ અને સમસ્યા ઉકેલવાની ક્ષમતા વિકસાવશે.”
શ્રીમતી મધુ બાંઠિયા એ કહ્યું: “FICCI FLO નું મિશન છે મહિલાઓ અને બાળકોને શિક્ષણ અને નવીનતા દ્વારા સશક્ત બનાવવું. વેદાંત સાથેનો આ સહયોગ બાળકોમાં STEM વિષયો પ્રત્યે રસ વધારવા માટે મહત્વપૂર્ણ પગલું છે.” આ લેબમાં બાળકોને પ્રેક્ટિકલ શીખવા, રોબોટિક્સ ટ્રેનિંગ અને કોડિંગની તક મળશે, જેથી તેઓ નવીન વિચારધારા વિકસાવી શકે અને ટેક્નોલોજી આધારિત ભવિષ્ય માટે તૈયાર બની શકે. વેદાંત ગ્રુપ અને FICCI FLO અમદાવાદ આ પહેલ દ્વારા આગામી પેઢીના લીડર્સ, ઇનોવેટર્સ અને ચેન્જમેકર્સ બનાવવાનો સંકલ્પ વ્યક્ત કરે છે.