ઍક્ટર આયુષ્માન ખુરાનાની ઍક્ટિંગની ગાડી મસ્ત ચાલી રહી છે ત્યારે પણ તેણે નક્કી કર્યું છે કે હવે તે પ્રોડક્શનમાં ઝંપલાવશે. આયુષ્માન વેબ-સિરીઝના પ્રોડક્શનમાં આવવા માગે છે. આ માટે તેણે રિયલ અને હાર્ડકોર સબ્જેક્ટ્સ શોધવાનું પણ શરૂ કરી દીધું છે. આ અગાઉ કરણ વાહી અને રિત્વિક ધન્જાણીએ પાર્ટનરશિપમાં વેબ-સિરીઝના પ્રોડક્શનમાં ઝંપલાવ્યું છે. વાહી અને ધન્જાણી એકતા કપૂર માટે વેબ-સિરીઝ બનાવવાનાં છે.
આયુષ્માને હંમેશાં રિયલિસ્ટિક સબ્જેક્ટ પર ફિલ્મ કરી છે અને તે એ જ પ્રકારના સબ્જેક્ટ પર વેબ-સિરીઝ બનાવવા માગે છે. આયુષ્માનનું એ કન્ફર્મ છે કે તે અત્યારે વેબ-સિરીઝ જ બનાવશે અને એવી વેબ-સિરીઝ બનાવશે જે સબ્જેક્ટ ફિલ્મ માટે બહુ મોટા કે લાંબા હોય. આયુષ્માન અત્યારે દેશની આઝાદીના પિરિયડની વેબ-સિરીઝની એક સ્ક્રિપ્ટ વાંચી રહ્યો છે તો સાથોસાથ તે તામિલ ટેરરિસ્ટ એવા પ્રભાકરન પર લખાયેલી બુક પણ વાંચી રહ્યો છે.