લાંબા સમય પછી બૉલીવૂડમાં ફરી ફિલ્મો કરવાનું શરૂ કર્યા પછી ચંકીપાંડેને શરૂઆતમાં બહુ ફિલ્મો નહોતી મળતી, પણ હવે ફરી તેની ગાડી પાટા પર ચાલવા લાગી છે. ‘સાહો’ ફિલ્મમાં દેખાયા પછી તે ‘પ્રસ્થાનમ’ કરી રહ્યો છે અને સાથે ‘હાઉસફૂલ ફોર’ પણચાલુ છે. ‘હાઉસફૂલ ફોર’ ફિલ્મમાં ચંકી આખરી પાસ્તાનું કેરેક્ટર ભજવી રહ્યો છે. તે પોતે સારી કૉમેડી કરી શક્તો હોવાથી આ કૉમેડી ફિલ્મમાં પણ તેની રમૂજનો રંગ દેખાશે.તે કહે છે, ‘દિગ્દર્શક સાજિદ ખાન મને આ જ રોલમાં લેવા ઇચ્છતા હતા. તેની પાછળનું રહસ્ય એ છે કે આખરી પાસ્તાનું પાત્ર પહેલીવાર ‘હાઉસફૂલ વન’માં હતું અને તે રોલ સાજિદે પોતે ભજવ્યો હતો. તેમણે મને કહ્યું કે બધા તેમને આ રોલ કરવાનું કહે છે.લોકો ઇચ્છે છે કે હું આ રોલ કરું, પણ હું દિગ્દર્શન અને અભિનય બંને સાથે નહીં કરી શકું. આથી આ રોલ તું કરીશ? એવું મને પૂછ્યું ત્યારે મેં કહ્યું કે ચોક્કસ! આમ, આ રોલ મને મળી ગયો.’