– હોલીવૂડમાં કામ કરવા બાબતે ટિપ્પણી
– એક સમયના કથિત બોયફ્રેન્ડ શાહરુખ માટે પ્રિયંકાની ટિપ્પણીથી બંનેના ચાહકોને આંચકો
શાહરુખ ખાને પોતે હોલીવૂડમાં પ્રયાસ કરવા નથી ઈચ્છતો તેવી એક કોમેન્ટ કરી હતી તેના વિશે પૂછાતાં પ્રિયંકાએ હું અભિમાની નથી એમ કહી શાહરુખ અભિમાની હોવાનો આડકતરો ટોણો માર્યો છે. પ્રિયંકા અને શાહરુખ એક સમયે ગાઢ રિલેશનશિપમાં હોવાનું કહેવાતું હતું એટલે પ્રિયંકાના આ પ્રત્યાઘાતથી બંનેના ચાહકોને ભારે આંચકો લાગ્યો છે.
શાહરુખને હોલીવૂડમાં નસીબ અજમાવવા વિશે પૂછાતાં તેણે મુઝે હોલીવૂડ ક્યું જાનાકેરીના પા ચાહિયે ? મેં યહાં સહજ (કમ્ફરટેબલ) હું ે. એમ કહ્યું હતું.
હાલ કેટલાંક વર્ષોથી હોલીવૂડ ફિલ્મો તથા ટીવી શોમાં કામ કરી રહેલી પ્રિયંકાને શાહરુખની આ કોમેન્ટ વિશે પૂછતાં તેણે કહ્યું હતું કે મને સહજતાની ચીડ છે.
હું ઘમંડી નથી પરંતુ મારામાં ભારોભાર આત્મવિશ્વાસ ધરાવું છું. હું કોઈપણ દેશમાં કામ કરવા તૈયાર છું. મારો ઈગો મારાં કામથી મોટો નથી.
પ્રિયંકાના આ નિવેદન અંગે તેના અને શાહરુખના ચાહકોએ આશ્ચર્ય અને આઘાતની ઝડી વરસાવી છે. બંનેએ ડોન તથા ડોન ટૂમાં સાથે કામ કર્યું હતું. એ વખતે તેમની રિલેશનશિપ અને છૂપા નિકાહની વાતો બહુ ચર્ચાઈ હતી. જોકે, બંને સ્ટારે આવી અફવાઓને નકારી હતી.