બોલીવૂડ એક્ટ્રેસ મલાઈકા અરોરાના પિતા અનિલ અરોરા પંચતત્વમાં વિલિન થયા છે. તેમનું અંતિમ સંસ્કાર આજે સવારે સાંતાક્રુઝના હિન્દુ સ્મશાન ઘાટ પર કરવામાં આવ્યુ હતું. આજે સવારે તેમનો પાર્થિવ દેહ બાબા હોસ્પિટલથી ઘરે લાવવામાં આવ્યો હતો. જ્યાં અંતિમ વિધિ પૂર્ણ કરવામાં આવી હતી. અંતિમ સંસ્કારમાં બોલીવૂડના અનેક અભિનેતા-અભિનેત્રીઓ હાજર રહ્યા હતા.મલાઈકા અરોરાના પિતાના અંતિમ સંસ્કારમાં અલવીરા ખાન, ગીતા કપૂર, સુનિધિ ચૌહાણ પણ પહોંચી હતી. મલાઈકાની નાની બહેન અમૃતા અરોરા પણ સ્મશાન ઘાટ પર પતિ અને પુત્ર સાથે જોવા મળી હતી.મલાઈકા અરોરાના પિતાની અંતિમ વિધિ દરમિયાન ગૌહર ખાન, સોફિયા ચૌધરી, કરિના કપૂર ખાન, સૈફ અલી ખાન, ફરાન ખાન, સાજિદ ખાન પણ પહોંચ્યા હતા. 65 વર્ષીય અનિલ અરોરાએ પોતાના ઘરની બાલ્કનીમાંથી છઠ્ઠા માળેથી કુદીને આપઘાત કર્યો હતો. પોસ્ટમોર્ટમમાં અનેક ઈજાઓ થઈ હોવાથી મોત થયુ હોવાનું પ્રાથમિક તપાસમાં જાણવા મળ્યું છે.