વડોદરાના રમતવીરોને ખેલ, સંસ્કૃતિ અને ખેલદિલીને પ્રોત્સાહિત કરવાના હેતુથી ‘સાંસદ ખેલ સ્પર્ધા-2024’ નું આયોજન કરવામાં આવ્યું છે. આ ખેલ સ્પર્ધા 12 જાન્યુઆરી સુધી ચાલશે. શહેરના સમા સ્પોર્ટ્સ કોમ્પ્લેક્ષ ખાતે મોટી સંખ્યામાં ઉદ્ઘાટન સમારોહમાં બાળ અને યુવા રમતવીરો ઉપસ્થિતિ રહ્યા હતા.આ પ્રસંગે ઉપસ્થિત કેન્દ્રીય મંત્રીએ જણાવ્યું હતું કે પહેલા એવું હતું કે બાળકોને માટે રમતગમત કરતા અભ્યાસને વધું મહત્વ આપવામાં આવતું હતું. પરંતુ હવે રમતગમતને વ્યવસાય તરીકે સ્વીકારવામાં આવી રહ્યો છે. રમત ગમતથી માનસિક અને શારીરિક તંદુરસ્તી જળવાઈ રહે છે. વડોદરાના સાંસદએ કહ્યું હતું કે વડોદરાના 15 હજાર જેટલા સ્પર્ધકો વિવિધ તબક્કે ભાગ લઈ રહ્યા છે. જેમાં ખો-ખો, કબ્બડી, જુડો, યોગાસન, ટેબલ ટેનિસ, ચસ કરાટે, મલખમ, વોલિબોલ, એથ્લેટિક, ફુટબોલનો સમાવેશ થાય છે. સ્પર્ધાઓથી યુવાનોમાં રમતગમતમાં રૂચિ વધશે.