વડોદરા : વડોદરામાં બાપોદ પોલીસે એક જ અઠવાડિયામાં દારૂના મોટા ત્રણ કેસ કર્યા છે. રૂ.5.22 લાખના દારૂ સાથે પાંચ દિવસ પહેલા એક આરોપીને પકડ્યો હતો ત્યારબાદ બે દિવસ અગાઉ પણ પોલીસે દારૂ સાથે બે આરોપીને પકડ્યા હતા. ગઈકાલે પણ બાપોદ પોલીસને માહિતી મળી હતી કે આજવા રોડ ચાચા નહેરૂનગર ખુલ્લા મેદાનમાં બાલવાટિકાની પાછળ એક આરોપી રિક્ષામાં દારૂની પેટીઓ લઈને ઉભો છે. જેથી પોલીસે ઉપરોક્ત સ્થળે જઈને તપાસ કરતા રિક્ષા મળી આવી હતી. પરંતુ ડ્રાઇવર મળી આવ્યો ન હતો. રીક્ષામાં તપાસ કરતા પોલીસને વિદેશી દારૂની બાર બોટલ તથા બિયરના 24 ટીમ મળી કુલ 77,800 રૂપિયાનો દારૂ મળી આવ્યો હતો.