વડોદરામાં ચોરો બેફામ બની ગયા છે અને ગઈકાલે માંડવી પોલીસ કંટ્રોલ રૂમ પાસે એક જ્વેલર્સને ત્યાં ચોરી કર્યા બાદ આજે કારેલીબાગ વિસ્તારના વધુ એક જ્વેલર્સને નિશાન બનાવી રોકડ દાગીના ઉપરાંત કેમેરાનું ડીવીઆર સહિતની ચીજો ઉઠાવી ગયા છે. કારેલીબાગ આનંદ નગર રોડ પર આવેલા શ્રીજી જ્વેલર્સમાં આજે પરોઢિયે કાર લઈને ત્રાટકેલા ચોરો સાથે ગેસનો સિલિન્ડર અને ગેસ કટર પણ લઈ આવ્યા હતા.
ચોરોએ બિન્દાસ્તથી શટરના તાળા તોડ્યા હતા અને અંદર પ્રવેશી કેમેરો તોડી ડીવીઆર કબજે કરી લીધું હતું. ત્યારબાદ જે કંઈ હાથ લાગ્યા તે દાગીના તેમજ રોકડ ઉઠાવી લીધા હતા. વડોદરામાં ચોરો બેફોમ બન્યા, કારેલીબાગ મેઈન રોડ પર ગેસ કટરથી જ્વેલર્સની દુકાનમાં ત્રાટક્યા 2 – ચોરોએ ગેસ કટર વડે લોકર કાપવાનો પણ પ્રયાસ કર્યો હતો પરંતુ તે દરમિયાન આગ લાગતા તેમણે ફાયરના સિલિન્ડરથી આગ કાબુમાં લેવા પ્રયાસ પણ કર્યો હતો અને ત્યારબાદ સવાર પડી જતા ભાગી છૂટ્યા હતા. બનાવોને પગલે લોકોમાં ભારે ગભરાટ ફેલાયો હતો અને ટોળા ઉમટી પડ્યા હતા. કારેલીબાગ પોલીસે સીસીટીવી ફૂટેજ કબજે કરી વધુ તપાસ હાથ ધરી છે.