મહારાષ્ટ્ર અને ઝારખંડ વિધાનસભા ચૂંટણીના પરિણામો સાથે 15 રાજ્યોની 46 વિધાનસભા અને 2 લોકસભા બેઠકો પર મતગણતરી શરૂ થઈ ગઈ છે. વાયનાડ લોકસભા સીટ પર પ્રિયંકા ગાંધી 4 લાખ મતથી આગળ ચાલી રહ્યા છે. અહીં CPIના ઉમેદવાર સત્યન મોકેરી બીજા નંબરે અને ભાજપના નવ્યા હરિદાસ ત્રીજા ક્રમે છે.મધ્યપ્રદેશની વિજયપુર બેઠક પર કોંગ્રેસમાંથી ભાજપમાં આવેલા વન મંત્રી રામનિવાસ રાવત હારી ગયા છે. બુધની વિધાનસભા બેઠક પર ભાજપના ઉમેદવાર રમાકાંત ભાર્ગવ 1800થી વધુ મતથી આગળ છે. શિવરાજ સિંહ ચૌહાણ બુધની સીટથી 5 વખત ધારાસભ્ય રહી ચૂક્યા છે. તેઓ સાંસદ બન્યા ત્યારે આ બેઠક ખાલી પડી હતી.યુપીની 9 વિધાનસભા બેઠકો પર પેટાચૂંટણીના વલણોમાં, ભાજપ ગઠબંધનને 7 બેઠકો પર અને સપાને 2 બેઠકો પર લીડ મળી છે. અખિલેશના ગઢ ગણાતી મૈનપુરીની કરહલ સીટ પર સપાને લીડ મળી છે. ભાજપે અહીં અખિલેશના પિતરાઈ ભાઈ અનુજેશ યાદવને મેદાનમાં ઉતાર્યા હતા.