Stock Market News | શેરબજારમાં ફરી એકવાર દિવાળીનો માહોલ જોવા મળી રહ્યો છે. ઘણાં દિવસો બાદ સેન્સેક્સ અને નિફ્ટીમાં ફરી એકવાર તેજી જોવા મળી રહી છે. સેન્સેક્સમાં આજે લગભગ 900 પોઇન્ટનો ઉછાળો જોવા મળ્યો હતો.

સેન્સેક્સ-નિફ્ટીમાં તેજી

અગાઉ શુક્રવારનું ક્લૉઝિંગ 79402.29 રહ્યું હતું જેના બાદ આજે સોમવારે બજાર ખુલતાં જ ફરી એકવાર સેન્સેક્સ 80000ની સપાટી કૂદાવતા 900 જેટલાં પોઈન્ટના ઉછાળા સાથે 80351.19 ના લેવલને સ્પર્શી ગયું હતું. જ્યારે નિફ્ટી-50ની વાત કરીએ તો તેનું અગાઉ શુક્રવારનું ક્લૉઝિંગ 24180 પર રહ્યું હતું અને આજે સોમવારે ફરી એકવાર નિફ્ટીએ તેજી બતાવી અને 24440ના હાઈલેવલને સ્પર્શ કર્યું હતું. નિફ્ટીમાં અત્યાર સુધી 250થી વધુ પોઈન્ટની તેજી જોવા મળી છે.