મુંબઈ : શ્રદ્ધા કપૂર અને રાજ કુમાર રાવ જેવા કમર્શિઅલી બહુ સેલેબલ નહિ ગણાતા કલાકારોની ફિલ્મ ‘સ્ત્રી ટૂ’ કલ્પનાતીત રીતે સફળ નિવડી છે અને હવે ૫૦૦ કરોડનો બિઝનેસ કરવાના આરે છે. આ ફિલ્મની સફળતા જોઈ હવે અક્ષય કુમારને પણ એક હોરર કોમેડી ફિલ્મ કરવાની ચાનક ચઢી છે. આમ તો ‘સ્ત્રી ટૂ’માં અક્ષય કુમારનો પોતાનો કેમિયો પણ છે. જોકે, આ ફિલ્મની સફળતા તેને ખાતે લખાઈ નથી. છેલ્લા કેટલાય સમયથી સતત ફલોપ જઈ રહેલા અક્ષય કુમારને એક બહુ મોટી હિટ ફિલ્મની તાતી જરુર છે. આ માટે તેણે પોતાની જૂની કેટલીક કોમેડી ફિલ્મોના ડાયરેક્ટર પ્રિયદર્શનનું શરણું સાધ્યું છે. પ્રિયદર્શનની આ ફિલ્મનું મોશન પોસ્ટર અક્ષય કુમારના જન્મદિને રીલિઝ થશે. અક્ષય કુમાર અગાઉ ‘ભૂલભૂલૈયા’ માં કામ કરી ચૂક્યો છે પરંતુ તે ફ્રેન્ચાઈઝ ી પણ તેની પાસેથી ઝૂંટવાઈ ચૂકી છે.