સૌથી વિનાશક વાવાઝોડા મેકુનુને લઇને એલર્ટ જાહેર કરવામાં આવ્યું છે. હવામાન વિભાગ દ્વારા મેકુનુને લઇને એલર્ટ જાહેર કરવામાં આવ્યો છે. આ વાવાઝોડાને વેરી સિવિયર સાયક્લોનીક સ્ટ્રોમની કેટેગરીમાં મુકવામાં આવ્યું છે. અરબી સમુદ્રમાં ફરીથી હવાનું દબાણ સર્જાયુ છે. મેકુનુ દક્ષિણ-પશ્ચિમ સમુદ્રમાં પહોંચ્યું છે.
મેકુનુ 190 કિમીની ગતિએ આગળ વધી રહ્યું છે અને તે અત્યારે ઓમાનનાં દક્ષિણથી 390 કિમી દૂર છે. 24 કલાકમાં ઉત્તર-પશ્ચિમ તરફ તેના આગળ વધવાની શક્યતા છે. તે 160-170 પ્રતિ કલાકની ઝડપે આગળ વધશે તેવી શક્યતાઓ છે. આગામી 24 કલાકમાં તે વેરી સિવિયરમાંથી એક્સ્ટ્રેમલીમાં ફેરવાશે. વાવાઝોડાની ગતિ વધીને 190 કિમી પણ થાય તેવી શક્યતાઓ છે.
આ વાવાઝોડાને લઇને ગુજરાતનાં તમામ બંદરોને એલર્ટ કરવામાં આવ્યા છે. તકેદારીનાં ભાગરૂપે 2 નંબરનાં સિગ્નલ લગાવવાનો પણ આદેશ આપવામાં આવ્યો છે. દરિયાકાંઠા પર 28મીમે સુધી મેકુનુની અસર રહેશે.