જમ્મુ કાશ્મીરમાં લાઈન ઓફ કંટ્રોલની પાર ભારતીય સેનાએ પાકિસ્તાની ઠેકાણાં પર જોરદાર હુમલો કર્યો છે. આ હુમલો પુંછ જિલ્લાના મેંઢર સેકટરમાં થયો છે. ભારતીય સેનાના હુમલામાં પાકિસ્તાનના અનેક ઠેકાણાંઓ ધ્વસ્ત થઈ ગયા છે.
મીડિયા રિપોટ્સ મુજબ ભારતે POKમાં સ્થિત આતંકીઓના લોન્ચિંગ પેડને પણ નિશાન બનાવ્યાં છે. આ લોન્ચિંગ પેડ હઝીરા અને રાવલકોટ સેક્ટરમાં સ્થિત છે. ભારતના હુમલામાં આતંકીઓના અનેક લોન્ચિંગ પેડ નષ્ટ થઈ ગયા છે. પ્રાપ્ત થતી માહિતી મુજબ ગત સપ્તાહે પુંછમાં ભારતીય સેનાના બ્રિગેડ હેડક્વાર્ટર પર પાકિસ્તાની હુમલાના જવાબમાં પાકિસ્તાનને પાઠ ભણાવવા માટે આ કાર્યવાહી કરવામાં આવી છે.
પકડાયાં 3 આતંકી
– જમ્મુ કાશ્મીર પોલીસે ત્રણ આતંકીઓની ધરપકડ કરી છે. પોલીસ અને આ આતંકીઓ વચ્ચે બારામૂલા રોડ પર ફાયરિંગ થયું હતું, જે બાદ પોલીસે આ ત્રણ આતંકીઓની ધરપકડ કરી છે. પોલીસને તેમની પાસેથી હથિયાર અને મોટા પ્રમાણમાં બારૂદ મળી આવ્યાં છે.
